اهل سبلا و اهل لظيا مصابيح الليـال السـود

[عتيبي مطور]

[align=center]في ليلة اجتمع شيوخ من كبار شيوخ عتيبة

في حلة الوبارى الشجاعين من العصمة


أقام ذوي عسيود من الوبارى احتفالاً على شرف الشيوخ الرباعين في مدينة الطائف وفي قصر السحاب


ثالث أيام العيد المبارك


وقد حضره العقايلة شيوخ قبيلة العصمة


و طالعنا الشاعر المبدع الفحل غالب بن زيد أبو كتيفه العمري العصيمي


بهذه الدرة الثمينة

فأحببت أن أسطرها في منتدانا العريق منتدى عتيبه


بسم الله الرحمن الرحيم

هذه قصيدة الشاعر غالب بن زيد ابو كتيفه في الحفل التكريمي الذي اقامه

الوبارا للرباعين والذي شرفه ايضا شيوخ قبيلة العصمه العقايله[/align]


[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
الا يالله ياللي لـك عبـادك راكعيـن سجـود=وألسنهم بالدعاء تلهج طمع والخـوف يخنقهـا
عسانا من قبلـت صيامهـم يـارب يامعبـود=وغفرت ذنوبهم ورقابهـم برضـاك معتقهـا
نجاهد فالحياه وكـل يـوم جهادنـا فـي زود=ولا يمكـن توفـق نفـس عبـد مـا توفقهـا
نخاف نموت جوع ونجتهد ونكـرس المجهـود=وناسين انك اللـي تخلـق الانفـس وترزقهـا
وناسين ان هذاك المكـان ويومنـا الموعـود=تقربنـا لـه الساعـه لـيـادارت دقايقـهـا
بعدها ياقصيدي حـان وقتـك ماعليـك قيـود=لعلـك ترضـي الاذواق والغـايـه تحققـهـا
تفضل ياقصيدي جود في حضرة وجيه الجـود=تراها فرصـة يـا شيـن حـظ مـا يوافقهـا
هلا في محفل اللي يذبحـون الحـق والمفـرود=رجـال كـل ماتبـدي لهـا قالـه تغلقـهـا
ارحب باسم قطمان المحـازم محتميـن القـود=ليا صاح النذير وركبـوا مـن الخيـل سبقهـا
هذولا عزوتي والنصر فـي غاراتهـا معقـود=يثور النصـر معهـا كـل ماثـارت بنادقهـا
فروسيه . شهاميه . كرم . من عهد آباء وجدود=فعول ثابتـه تبـت يـد اللـي مـا يصدقهـا
واظني يوم اعد فعـول ربعـي مابهـا منقـود=أكيد الناس لولا الفعـل مـا بانـت فوارقهـا
هلا عد المخايل يـوم يجهـز نوهـا ويقـود=ليـا منـه زهـم رعادهـا واشتـب بارقهـا
هلا عد النسايم كـل ماهبـت بطيـب العـود=ليا ذعذع لها الغربي وطيـب العـود عانقهـا
هلا يامروية حد الحسـام الصـارم المجـرود=هـلا يـاروس قـوم ماتليـن الا لخالقـهـا
شيوخ فعلهـم بيـن الفعـول الغانمـه معـدود=تزيـن المفـرده بفعولهـم يـوم اتطرقـهـا
اهل سبلا و اهل لظيا مصابيح الليـال السـود=شيـوخ مـن شيـوخ عتيبـه الله لا يفرقهـا
عتيبه كل ما طـال النهـار ودنـدن البـارود=وقـام مولـع الفتنـه مشاهيـبـه يلاحقـهـا
نبيع اعمارنا دون الوطن وملوكنـا آل سعـود=لهـم برقابنـا بيعـه وحنـا اللـي نوثقـهـا
ملكنـا يـا ملكنـا ياسندنـا فالنهـار الكـود=ليا مـن المشاكـل والفتـن شبـت حرايقهـا
ملكنا يا ملكنا جعـل عيـد الله عليـك يعـود=تهنيـك القبيلـه كلـهـا بلـسـان ناطقـهـا
عتيبه والزمن يعرف عتيبه والرجـال شهـود=على وقفاتنا فـي حاضـر الهجـره وسابقهـا
عتيبه يوم كان الناس احد طارد واحد مطـرود=على نجد وطـوارف نجـد رافعـة بيارقهـا
نزلنا نجد بالسيف الصقيل وباشقـر العبـرود=ومن دونـه وعنـه القـوم نحداهـا ونفهقهـا
وناصرنا معزي ليـن خلاهـا سهـود مهـود=يمنها . شامها . من حدها الغربـي لمشرقهـا
بنا له صرح يبقى صرح في وجه الزمن مشيود=ودستـوره كـتـاب الله والسـنـه يطبقـهـا
واظني يوم اعد فعـول ربعـي مابهـا منقـود=أكيد النـاس لـولا الفعـل مابانـت فوارقهـا [/poem]