رحبـو معـآي بـ الشـآعر الكبيـر ../ عبدالرحمن بن بـديع الشهراني ،،

[.. شِيخَ إلِمرِآجّ ـلُ ~]

[align=center]السلام عليكم ورحمة الله ..{




[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
يامرحبا ترحيب ينشر فالاخبـار=ترحيب من شاعر تحرك شعوره
يامرحبا ترحيب يكتب بالانـوار=والنور عم المنتدى مع حظـوره
اسمك مثل برق يبشر بالامطـار=والقلب بوجودك تزايد سـروره
الطيب بين الناس ماهو بمنكور=واللي يزور الناس لازم تـزوره
هذا محلك وابتدى معك مشـوار=على الوفا والطيب تكتب سطوره
من الفرح رحبت بك نثر واشعار=يامرحبا باللي يشرف حظـوره [/poem]


أحبـآئي أعضـآء منتـديات قبيلـة عتيبه


رحبـوي معـي بالشـآعر الكبيـر ../ عبدالرحمن بن بديع الشهراني






أحد الشعـآر المعـروفين [overline]أعلاميـن[/overline] وأحد الشعـآر الذين يستحقـون التقدير ..


معلـومـآت عن الشـآعر /

[overline]الشاعر / عبد الرحمن بن بديع : من شعراء المملكة العربية السعودية البارزين ..

وأول ظهور له في أمسية بيشه بمشاركة الشاعر الكبير / سعد بن جدلان

أمسيته الأولي الرسمية في دولة الكويت من خلال مهرجان أهل القصيد

الثالث شارك بالعديد من الأمسيات داخل المملكة العربية السعودية .[/overline]


بعـض قصـآئد الشـآعر :


هـذي قصيـده طبعـة في [overline]مجلـة المرقاب[/overline]




وهـذه قصيـده قـآلها في قبيلة عتيبه

بعنـوان " الله يجمل حالكم يا عتيبـه "

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياوالي ٍ0 امرك على كـل والـي=ياللي ليا ناجـاك عبـدك تجيبـه
يارب من مدات جـودك نسالـي=مافيـه غيـرك واحـد ٍ نلتجيبـه
ولاصار منهاج القصيد استوالـي=بطرف محاريفه لو انهـا اتعيبـه
ومادام جا للمدح واهلـه مجالـي=القـاف ياهونـه ومبعـد مشيبـه
ياعتبيـه الهيلا0رجـال الكمالـي=تاريخكم كل الشعـوب اتحكيبـه
ياللي عبرتوها جنـوب وشمالـي=يوم الفتن بين الحريـب وحريبـه
وياهل البيوت اللي عمدها اطوالي=وقت المشاحي والظروف الصعيبه
وياهل القنا 0يامحتميـن التوالـي=يوم العوادي يطرحون الضريبـه
رجالكـم يـوم التحـام ارجالـي=كسب العلوم الغانمه مـن نصيبـه
يوم ان خيـال الاصيلـه يلالـي=اظهورهـا يافايديـن الكسيـبـه
يوم الشلافي والرمك والسلالـي=امفرقـه بيـن الحبيـب وحبيبـه
في حـزة ٍ للصافنـات اجتوالـي=ماحدٍ خذاهـا غيركـم بالغصيبـه
والحمـد لله طيبـكـم لايـزالـي=بيت الوفا والطيب ماضاع طيبـه
اسلومكـم ماغيرتـهـا الليـالـي=وتاريخكم مافيـه شكـه وريبـه
وعزومكم منهـا تخـف الثقالـي=ووقعاتكم يـوم الوقايـع عطيبـه
وانتم هل البل مرخصة كل غالي=والبل معا هلهـا معـزه وهيبـه
قلته وانا ربعـي تجمـل مقالـي=شهران مسقيـن العـداة الغليبـه
لاصار للبـارود لسـود اظلالـي=ياما ترامـا قُدمهـم مـن كتيبـه
وكل القبايل قدرهـا قـدر عالـي=ولاتلحّـق ســب ولا معيـبـه
واقول ماقد قلـت فّـول وتالـي=الله يكـثـر خيـركـم ياعتبـيـه [/poem]

وهـذي قصيـده قالـها بـ صـآحب السمو الملكي الأمير / خالد الفيصل

أمير منطقة مكة المكرمه حفظـه الله ،،



[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياللي بسطت الارض تحت السموات=ياللي القضا في يدك زينـه وشينـه
يامن لوجهك ننحني كـل الاوقـات=وكتبت رزق الادمـي فـي جبينـه
ترحم سليل المجد رجـل المهمـات=اللي رفع شان العرب فـي سنينـه
اللي رسم تاريخ فخـر وبطـولات=وعـز وحمـاس كننـا عايشيـنـه
هذاك (( فيصل)) لاتداعو بالاصوات=تقدم علـى كـل المراجـل يمينـه
وقالوا ان فيصل مات واقول مامات=من شاف خالد شاف فيصـل بعينـه
نفس الشجاعه والنظر والطموحـات=متـورث ٍ عزمـه وحزمـه ولينـه
ياخالد الفيصـل لاشفنـاك بالـذات=كـن المليـك الفيصلـي شايفيـنـه
يامير لك في شدة الوقـت وقفـات=تاطا علـى وجـه العـدو وتهينـه
يامير لك في ميلـة الوقـت مـدات=تقضـي مطاليـب الفقيـر وتعينـه
ياميـر ياميـر الشيـم والمـروات=المجد ماحـدٍ حـال بينـك وبينـه
عن مدتك تقصر يديـن ٍ طويـلات=من طاولك يفشـل وتقصـر يدينـه
وامارتك مارت جميـع الامـارات=وصارت تفاخربـك مدينـه مدينـه
عروسـة ٍ كسيتـهـا بالجنيـهـات=وراحت تمخطر بالرضا والسكينـه
وشاعر ورائد فكر ومنيـن ماجـات=تشيلهـا شيـل البـحـر للسفيـنـه
شخصية ٍ تحكي بها كـل الامـات=يكفيك شر اهل الحسـد والضغينـه
تزهابك حروف الشعر والعبـارات=هـذا الصحيـح وكلنـا خابريـنـه
والشاعر اللي ماصخر فيك الابيات=ماعاد ابي شعـره ودينـي ودينـه
واقبل يابو بنـدر سـلام وتحيـات=ومشاعر ٍ هاضـت وكانـت دفينـه
ومن قال فيصل مات تـراه مامـات=من شاف فعلك شاف فيصل ابعينـه [/poem]


الشـآعر / عبدالرحمن بن بديع الشهراني








دمـت كمـآ تـّـح ـب ../[/align]