مسعود المقاطي يمدح خواله العضيان

[مراسلكم]

[align=center]
في رابع أيام العيــد كانوا قبيلة العضيان في ضيافة الشيخ / بدر الضيــط

كما كان من ضمن المدعوين نخبه من الشعراء من ضمنهم بناخي العضيان شاعرالعرب المميز / مسعو سعد المقاطي

وماقصــر شاعرنا الرائع تجاوب معنا بأن تكون لمنتديات قبيلة عتيبه السبق في نشــرها


هذه القصيده مهداه للشيخ / بدر الضيــط

وإلى قبييلة العضيان كافــه .. وكل عام وأنتم بخيـــر ..[/align]


[poem= font="Simplified Arabic,5,black,bold,normal" bkcolor="transparent" bkimage="" border="none,4,gray" type=0 line=0 align=center use=ex num="0,black"]
سلام من هاجسٍ دوبه تريح وزان=ياللابه اللي لها فالقلب قدرٍ مكيــن
أحمل غلاها وأنا توي بسن الثمان=واليوم شارفت من عمري على الأربعــين
غلا خوالٍ لهم فالقلب قدر ومكان=غلاوةٍ ماتغيــرها طوال السنين
خوالي اللي لهم في كل شيٍ مدان=وأفخــر إليا نبني ناشد خوالك منين
أقول عضيان مزبن من حداه الزمان=منزحين العداء ومدلهين الحزيــن
عضيان عضيان في وقت القسى والليان=وإليا قسو كل قاسي من قساهم يلين
عضيان أهل عزوة ماهيب من خيزران=مايعتزي شبلها إلا بالحسام السنين
ياعنك ماصافحت عمهوج يمنى جبان=إلا شجيعٍ لفعله شبهرت كل عيـن
ثبت بيمناه فعلٍ مايبي له ضمان=لين أصبحت عزوة العضيان في كل حيــن
عسى شيوخٍ مضوا منهم لروض الجنان=ويطول الله عمار شيوخها الحاضرين
بدرٍ على إسم البدر لشع نوره وبان=يدل به من سرى ليله بليا عويــن
طيبه وجوده على ما أٌقول شاهد عيان=حتى شماله تسمى فالمواقف يمين
شيخٍ تمجــد خصاله فالخفا والبيان=مابين حكمة كلام وشور عقلٍ رزين
ومانساك يامزبن اللي دار وقته وشان=وما أجيب في مدحك إلأ كل درٍ ثمين
في مدح شخصك لساني مايبي ترجمان=مادام شعري فابو فواز لازم يزين
شيوخنا اللي لهم تاريخ كسب الرهان=في صفحة المجـد تشبه بدر وألا حنين
واليوم في ظل دولتنا وفأمنٍ وأمان=حكامنا اللي ذرىً للشعب والمسلمين
أسس معزي وخلا الشعب مثل الخوان=لين أصبحت عن هل التخريب حصنٍ حصين
منبع للإسلام والدعوه وصوت الآذان=وحكامها شرفوا في خدمة المسجدين
وختامها طلبةٍ من ربنا المستعان=وبحق من له عباده ركعٍ ساجدين
تقبل الله لنا ولكم صيام رمضان=ومنا لحكام دولتنا من العايدين[/poem]

[align=center]الشاعر
مسعود سعــد المقاطي[/align]