قصيده في العالمي روعه

[هاجسي نصراوي]

السلام عليكم اخواني ........... لقيت قصيدة في قمة الجمال وشكلها قديمه ولا اعرف من شاعرها اللي كاتبها واللي يعرفه يكتب اسمه بعدين والله اعجبتني.......... طبعا هي غزل بس لازم يدخل العالمي فيها لانه الهام لكل نصراوي اليكم هذي القصيده :::

النصر والهلال





يا سيّدة كـل البنـات وفاتنـة هـذا العصـر

آن الأوان أن اعترف لك واطلق عنان الخيـال



مابيك يا بنت الحجاز!! وقلعتك يا أنثى مصر

مادام نجد تضم بين أحضانها تـرف الجمـال



أم النعومه .. واللّيونه .. وأفتخر بأم القِصـر

لن القِصِر أصل الذهب توحون يالناس الطوال



شبعة ربيع أردافها سـوّت مجاعـه للخصِـر

لين إختلف تكوينها بين الضخامـه والهـزال



ملبوسها ثوب الحرير .. وساكنه بأفخم قصـر

وتحبّني لو إنّني ما أملك ولـو حتّـى ريـال



أعمى ونظرة عينها أخفت ما بقى لي من بصر

عين الظبي اللّي رمشها من تحت حاجبها ظلال



سوّاق باص الجامعـه ردّد لهـا بالمختصـر

لبيّه واللّـه يسعـدك يـا ليتـك أمُ للعيـال



مافات ذكره آنفاً ماهوب من بـاب الحصـر

بس إسمعي بيتي الأخير وبأنهي أطراف الجِدال



ما أحب فالدنيا سواك أنتي .. وأمّي و(النصـر)

وأكره ثلاث البعد والفرقـا وتشجيـع الهـلال

وسلامتكم وصح لسان قايلها