محدن يلوم فهيد في بدع الامثال

[فهيد مقعد الرويس]

بسم الله الرحمن الرحيم

اعزائي اعضاءوزوار هذا المنتدى اليكم بعد السلام وعليكم المرثيه التي قالها الشاعر عايض بن عمر الرويس والد الشاعر والاعلامي المعروف زايد الرويس

[align=center] ما احدٍ يلوم فهيد في بدع الأمثال
الله على حزنه وصبره يثيبه

والحمد للخالق على كل الاحوال
اللي ومر بالصبر عند المصيبة

لو إن طول العمر يشرى بالأموال
كان الملوك أموالها تفتدي به

جف القلم والرزق حدد والآجال
والعاقل اللي ما كتب له رضي به

نجزع ليا جانا خبر موت رجال
ولا احدٍ يحس الا بموتة قريبه

قريبه اللي كل ما ضده الجال
ياقف معه لا جت أمورٍ صعيبة

ياقف معه بالحال والراي والمال
يوم ان بعض الناس ما ينعدي به

مقعد من اللي للصعيبات شيّال
من شبته لين انتهى في مشيبه

نزيه عرض لكلمة الحق قوّال
واللي يبي قولة نعم يقتدي به

أبو فهيد بسيرته مضرب أمثال
بالمعرفة وبكل علمٍ يجيبه

معرّب الجدان والعم والخال
بين البقوم وبين عليا عتيبه

عساه في جنات فردوس وظلال
جنات عدن اللي سعتها رحيبه

يعطى كتابه فاليمين عن الاشمال
يوم إن من قدم عمل ينجزي به

والنا العزا في موت ماضين الاجال
وعسى دعانا ربنا يستجيبه

وعساه يحسن خاتمتنا ليا طال
العمر وان جت خاتمتنا قريبه[/align]

وصح السان ابوعمر عساه يبطي حي

شعور غير مستغرب

تحيتي للجميع