واليوم كيف الـحال

[نادر النمر]

[overline][align=center]يازين المكان اللي تمشيت فيه عصير
جنوب ٍ من الوادي شما ل ٍ من الاقذال
هذاك المكان اللي تربيت فيه صغير
مغيرالرسوم البا قيه والجبل لازال
زمان الشباب بغير واليوم وضع ٍ غير
ياليت الشباب يعود يوما ً على ماقال
الايازمانن فات ليتك تعود بخير
زمانن مضى في حال واليوم كيف الحال
تصورلي الما ضي على خا طري تصوير
من الغيض مدر الهيض غنيت باالموال
تجيب الطواري ذكريات ٍ لها تاثير
على القلب تلعبه مثل لعبة الجهال
ولافادني كثرالتمني مع التفكير
انا ادري لكن القلب ما طاوع العذال
الا يا زمن ياكثر مابك من التغئير
الشوف الثقال خفاف واللي خفاف ثقال
ابا طلب من الله سترالاحوال والتيسير
له الفضل والتوحيد والشكروالكمال
وابا اصبر على الدنيا ومهما يصيريصير
انا راضيا ً با اللي من الواحد المتعال
عسى الغيث يسق العبله اللي جنوب البير
ليا أنشاء من لقبله خيال ٍ بسد خيال
بعد زل نصف الليل الاول من الخير
يخوف مخيله لو شوفه يسرالبال
زفيرالرعد والبرق منه العقول تحير
ما بين الفرح والخوف تضربه الأمثال
على ضوح براقه تشوف الطيوراطير
تخلع بربانه وسيله يكض الجال
شمال ٍ اليا عرعر جنوب ٍ اليا خرخير
تصير الجبال مع السهل كنها شلال
ومن اقصا ديارسبيع اليا اقصا ديارمطير
على ديرت العتبان ياخذ شهرواليال
على عبلة البره وحسله وضلع النير
جميع الصحاري كلها كل وادن سال
وبعد جف لسيله عشرة ايام با التقدير
تشوف النبات ليا كسا الارض بالاشكال
ويجي للخزامى والنفل فا الثرى عبير
ليا ذعذع النسنا س والفي توه مال
وتزين الحياه بشوفت العشب والغدير
واللا الموت ماكب المسنين والاطفال


اااااااااالله الله الله

اشهد اني عشت معك من اول القصيدة لا اخرها .. وتمنيت انها لاتنتهي :)

صح لسانك وكفى .. :)


(( التقدير كله ))

,,[/align][/overline]