قصيدة قبائل حضرموت في استشهاد المقدم بن حبريش للشاعر عوض بن علي الجوهي

[الجوهي]

[poem=font="Simplified Arabic,6,blue,bold,normal" bkcolor="transparent" bkimage="" border="double,6,red" type=0 line=0 align=center use=ex num="0,black"]
بالواحد القدوس خالقنـا ابتـدي=رب ا لبريـة جنهـا وانسانـهـا

يافالق الاصباح بالنـور المضـي=يا من له العـزة ولـه سلطانهـا

نسالك يامن كنت في جودك سخي=تصلح اراضينـا وتصلـح شانهـا

وتنّزل الغفران على العبـد البـري=لي قد قتـل بالغـدر فـي ريانهـا

تدخله في الفردوس مع طه النبـي=يقطف ثمر وازهار مـن بستانهـا

له كل ما يطلب وكـل مايشتهـي=فيهـا ويلبـس سلمهـا وأمانهـا

في الجنة الخضراء بسندس يكتسي=تدني على راسه قطوف أغصانهـا

كل ماتلذ عينـه ونفسـه يجتنـي=من تمرهـا واعنابهـا ورمانهـا

يشرب من الكوثر الى أن يرتـوي=ويستلـذ مـن خمرهـا والبانهـا

ياكل لحوم الطيـر حتـى يكتفـي=يرتع ويتمتـع بـروض اجنانهـا

عنده رحيق النحل من صافي نقي=ويطوف بالاباريـق لـه ولدانهـا

بجوار حورعين منهـن يصطفـي=ماطاب في نفسه وهـز وجدانهـا

هيفاء حسينة ذات مظهر جوهري=من حسنها بانت عظـم سيقانهـا

لي ثغرها مشرق ومنظرها زهـي=يحظى بكامـل عطفهـا وحنانهـا

وتبيـن القاتـل لنـا يامعتـلـي=ياعالـم الأسـرار فـي اكوانهـا

لي هو قتل مقدام بـو الفيـن زي=ما خاف من حضري ولا بدوانهـا

لابـد مانسحقـه حتتـى نشتفـي=هو والذي خطـط وشـب نيرانهـا

هـذه بوادينـا علـى مبـدأقـوي=تمشي ولاثـارت طغـى هيجانهـا

والكل منا أصل عربـي وحـدوي=من أصل عدناني ومـن قحطانهـا

عربي كريم الاصل مسلم شافعـي=لاهو مـن اوروبـا ولارومانهـا

مقدام ومحارب بطل شاجع ذكـي=يدعو الى خير البلـد واحسانهـا

والوعل نده وعل مثلـه مربعـي=ماتنادي الفرسـان غيـر اقرانهـا

وبلادنـا ياقـوم واديهـا حـفـي=ماقد ثبت غازي وسـط وديانهـا

هي مقبرة للترك من سابق مـدي=والانجليزي خـار مـن فرسانهـا

والبرتغالـي لاذ منهـا ملتـجـي=ببواخـره واسطولهـا وربانـهـا

فيها القعيطي والكسـادي محتبـي=والواحـدي واليافعـي شجعانهـا

والعوبثانـي عندنـا والشنفـري=وابن الحمومي والبطـل سيبانهـا

وعيال نـوّح اهـل دار العكبـري=ورجال كنده هم حمـاة اوطانهـا

والعولقي والصيعـري والعامـري=وابن الكثيري لي مسـك بعنانهـا

والجابري مـن عندنـا والثعينـي=وعيـال نهـد الباديـة حكمانهـا

والليث في الصحراء المنهالي أخي=والقائـد لكربـي يشـد أركانهـا

وابن الوزيري والعمودي مغتضـي=والشهم باعبـاد شيـخ ازمانهـا

واخواننا الساده عيـال الهاشمـي=هم قـادة الديـره وهـم اعيانهـا

والختم صلوا على الشفيع المهتدي=بأعداد حـب الرمـل فـي كثبانهـا [/poem]