قصيد للشاعر الكبير / عبدالله بن سبيل ( جميلة جدا)

[عزام الوسمي]

بسم الله الرحمن الرحيم

السلام عليكم ورحمة الله وبركاته ,,,,,,,,,,

حبيت أنقل لكم هالقصيدة الرائعة للشاعر عبدالله بن سبيل ,, أتمنى تعجبكم,,

والقصيدة تقول.

يالله ياللي تسجـد الخلـق لرضـاه
يا وامـرٍ خلقـه علـى حـج بيتـه

تفرج لمن سدّه على الناس ما ابـداه
راضي على مقسومك اللـي عطيتـه

من شي يسل الحال والجسـم يبـراه
والناس مـا يشفـون إن مـا شفيتـه

قلـت آه واجرحـاه مـن خلتـي آه
وان حملونـي حمـل غـيٍ قويـتـه

قالوا سفا بالحال ويش اللـي اغـواه
قلت آه ويش المنكـر اللـي وطيتـه

قالوا جهلت وبـان علمـك لمنهـاه
قلت آه علمي يـا مـلا مـا كميتـه

قالوا طلبنـا لـك مـن الله معافـاه
قلـت آه وحدتـه وعفـوه رجيـتـه

قالوا هله واحباب عينـه نصحنـاه
قلـت آه هـذا واردٍ مــا بغيـتـه

قالوا ندور لك من البيـض حليـاه
قلـت آه لـو غيـره بكفـي رميتـه

قالوا نشاش العـود مالـك بلامـاه
قلت آه عـود المـوز بيـدي لويتـه

قالوا تـزوج كـود تدلـه وتنسـاه
قلت آه لو اخذت اربـعٍ مـا نسيتـه

قالوا من اقصى الناس وين انت واياه
قلت آه ما آنسى يوم جانـي وجيتـه

قالـوا نشوفـه عنـد هـذا وهـذاه
قلت آه عمره ما عقـب حجـر بيتـه

قالـوا عليـلٍ نـاقـلٍ داه بــرداه
قلـت آه باقرابـي وروحـي فديتـه

قالوا نشيـر ولا نفـع مـا حكينـاه
قلـت آه هـراج النمايـم عصيـتـه

قالوا كثـر شيبـك وقلبـك بعميـاه
قلـت آه لـو قلبـي غريـرٍ نهيتـه

مطـاوعٍ قلبـي بعجفـاه وقــداه
والى عطـى منهـاج دربٍ عطيتـه

ياناس خلـوا كـل وادي ومجـراه
قلتـوا كثيـر وقولكـم مـا لقيـتـه


وسلامتكم ,,,,,,,,,,,,,,,,,,,,,,,,,,,,,,,,,,,,,,,,,,,,,