م1/ هذي علوم وباقي علوم وعلوم

[فواز الشهيب]

[align=center]بعد التحيه والسلام

أعضاء منتديات عتيبه

بكل فخر

يشرفني التواجد بينكم

وهذه أوّل مصافحه

عباره عن

قصيده متواضعه أضعها أمام أعينكم

وكلّي أمل أن تجد منكم ولو بعض القبول[/align]


[poem=font="Simplified Arabic,6,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
من صبح يسبح في سما راسي غيوم = فى العين بارقها وفى اذني رعدها
صقر الفكر من حولها دوبه يحوم = وقدها ياصقر الفكر بالعرف قدها
وحذراك تهضم شي فى الوقت مهضوم = دوّر نوادرها ودوّر جددها
أمطر على اللي يسمعك در منظوم= خلّه من إعجابه يقوللك عدها
مقولة ان الناس معطى ومحروم = مؤمن بها في وقتي ومعتمدها
شفني لياشفت السما كلّها نجوم= دعيت ربّي قلت يارب زدها
مير الكلام اللّي يصحّي من النوم = أيّامنا ماسبتها مثل أحدها
فى الدرب تلقى واحد يطيح ويقوم = وتلقى اللذي يمشي على غير يدها
وتلقى اللذي يرقى الطويلات ويروم = وتلقى اللذي ينزل بعد ماصعدها
وام الولد لو حاولوا دايم الدوم = ما غيّروا من حبّها في ولدها
ياكم رضيعٍ ودّك يصير مفطوم= وكم روح حيّه تندفن في لحدها
وكم سيف له لمعه وهو سيف مثلوم= وكم نفس تتعب مير ضايع جهدها
وكم من ليالي تنتج إنتاج معدوم= ودّك لوّ ان اللي سهرها رقدها
مير انت ياقلبي على ويش مهموم = هذي بسيطه غيرها امر وادها
هذي علوم وباقي علوم وعلوم = يحلّها ياقلبي اللي عقدها
وماكل ماينقال واضح ومفهوم = لكن من دوّر عليها وجدها[/poem]