وليا ادلهمت سودها بالعفاريت,,,غزيت رمحي في مواسط نحرها

[مشعل العتيبي]

انقل لكم

بعض

من ابدااااااع


الشاااااعر

عبداااالله العصيمي

((جنون المشاااااعر))


[poem=font="Traditional Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
إن كان مالي من يميني تراحيب=جعل الشباري تبتر الكف مني
وإن كان تجهل في علوم المواجيب=إنشد حرار الضلع والذيب عني
قلته وأنا ماني على الشك والريب=لاكن علمك يخلف اليوم ظني
وإن كان غيري لحيته تكشف العيب=تكرم شوارب لحيتي لو زبني[/poem]



;)


[poem=font="Traditional Arabic,6,red,bold,italic" bkcolor="transparent" bkimage="" border="inset,10,white" type=2 line=1 align=center use=ex num="0,black"]
ماجيت ادور نقصها يوم غنيت=ولاجيت اقابس شرها من شررها
هذي حياةٍ عاشت الحي والميت=وسنينها تنقش معالم صورها
اضمها ضمة هل العزوالصيت=للمرجله يوم اقطفوا من ثمرها
بنتٍ غلاها في صدور الشفاليت=تمطر على الضلع العوج من مطرها
الموت فيها حق يومني اوفيت=عز الكريمه واحتضر بي مهرها
احيا بها شيخٍ على الجود واحييت=فيها الجنايز عقب فكرٍ قبرها
ماقلت ليت ولاتجملت من ليت=دام الحروف تغوص غبة بحرها
آرد على المعنى واذا همت به جيت=ماهمني لو زاد فيها خطرها
وليا ادلهمت سودها بالعفاريت=غزيت رمحي في مواسط نحرها
وحطيت كفي فوقها ماترجيت=وشالت يميني تاجها عن شعرها
ثم قلت ياللي لك مضامين ماازريت=وخميت منها مابقى من دررها
ثم شلت رمحي عن نحرها وقفيت=وخليتها سرٍ يخافت جهرها
ومن عقبها غنيت بالقاف وابديت=خافي علومِ تكشف اللي حضرها
يااهل الشعر يااهل الوفا ماتونيت=لاكن عندي كلمةٍ بختصرها
الصبر مني وان تباطيت ماابطيت=اضوي عليها من مطالع قمرها
ماني مطول شرحها دون تثبيت=ودي ابين حقدها مع ضررها
وانا مثل ماقيل ياناس مااخطيت=درب الذرابه يوم غيري دمرها
مطنوخ راس ومن رجالٍ نعاتيت=قومٍ ينومس عزها مع فخرها
نحشم حشام القوم ونجنب الهيت=ونعرف عيون الفايته من ظهرها
مانجمع الهزله على كل توقيت=هشة يبوسٍ مات فيها خضرها
من صغر سني ماجهلت المواقيت=نجبر عظام ونكسر اللي كسرها
وأعيد اقول إني من الشعر غنيت=ولاجيت اقابس شرها من شررها[/poem]


:)

[poem=font="Traditional Arabic,6,black,bold,italic" bkcolor="transparent" bkimage="" border="none,4,gray" type=2 line=1 align=center use=ex num="0,black"]
جننت حرفي واستجن بجنوني=ثم انتخى بي يوم انا فيه منجن
سقت القوافي يم زين اللحوني=يطرب لها السامع على كيف ماجن
بنات بدوٍ عشقهن في عيوني=يوم احرمن فالصدر لبّن وناجن
ميقاتهن فكرٍ عليه الظنوني=بالشعر طافن واستعن يوم حجن
ماساقن الخطوه على غير كوني=ولاراحن بنقصٍ عليه ولاجن[/poem]