نومك طرب والا بنومي هواجيـس
ولا يسهـر بالليـل كثـر الحلومـي
أسهر إلى نامت عيـون الهداريـس
بالليـل أسامـر سايـرات النجومـي
أوجس بقلبي مثل صلي المحاميـس
الله يلـوم اللـي لمثـلـي يلـومـي
قالوا جهلت وقلت جهل بـلا قيـس
الجاهل اللـي مـا يعـرف العلومـي
من ياخذ الدنيـا برايـه بـلا قيـس
مثل الذي في جـوف بحـر يعومـي
واليا ركبنـا عالجـات المضاريـس
سلـق الامهـار وكـل قبـا قحومـي
عقب التنـازي بالنشامـى كراديـس
والطيـر فـي مسنـا دهنـا يحومـي
عرج وهن بالكون مثـل الجرانيـس
على الطريج مصوبـرات كصومـي
وشلف تركز بالعـروق النواعيـس
تبرد علـى كبـدي لهيـب السمومـي
بايمان صبيـان تـدور النواميـس
الا من الادنيـن وأقصـى اللحومـي
عنـدي لهـم بـن دلال متـاريـس
إلى راح شـراب المشايـش يحومـي
نقصر لها الحمسه وخمس التجانيـس
برايـة يعمـل بهـا كــل يـومـي
ودلال تعبـا للنشامـى محابـيـس
واكرامهـا فـرض علينـا لزومـي
حفى القلم من كثر كتـب القراطيـس
وركبنـا مـن كثـر الادلاج تومـي
ما ينبني بنيان مـن غيـر تاسيـس
ومـن لا تعلـم مـا تفيـد العلومـي
ولاخير في كثر الحكاوي التماليـس
وقـول بـلا فعـل يجيبـه وهومـي
بالليل أصالي حاميـات المحاميـس
والصبح أصالـي كـل قبـا وكومـي
وأقفن بنا مثـل النعـام المماريـس
إلى هف عجل مـع رفيـع الحزمـي
نستلحق اللـي يطلبـون النواميـس
اللي من الاقصيـن وأدنـا اللحومـي
ولومي على اللي ينقلـون العبابيـس
أهل الفرنـج وكـل رامـي لحومـي
وشلفت تركب بالرمـاح الأناسيـس
وسلت المهـار وكـل قبـا قحومـي
قـب تنـازا بالنشامـا كـراديـس
وتعاقبـوا مـن فوقهـن السهـومـي
عـرج بهلهـن كنهـن القرانـيـس
على الطريح مصوبـرات كضومـي
حتى يزن إلنـا المثـل والتوانيـس
والكيف طاب لمـن يفـك القحومـي
ومن لا يقلط شذرة السـف والكيـس
يـازي عليـه مـن اليالـي ثلومـي
ومن لا يدوس الراي من قبل ماديس
عليـه داسـوه العـيـال القـرومـي
وشيخ لنا يعطي الفقـارى المفاليـس
عسـاه بالدنـيـا بـعـز يـدومـي
حـر ليـا دبـت عليـه النواميـس
إليا اعترض جول الحباري صرومـي
اليا اكترب من بعض الأشياء سبابيس
أعـزم ولا بـد الفـرج للعـزومـي
واعمل وتلقا وفهـم العلـم بالقيـس
دنيـاك لـو زانـت تراهـا نقومـي
تضحك وتخفي لك خفـي الهناديـس
تفطـر لنـا يـوم ويـوم تصومـي
أربع اسنين ودمع عينـي أماريـس
العيـن تسهـر كـن فيهـا الهزمـي
يجلى صدا قلبي ضبيـح المهاريـس
لاجـاك شـراب الحشايـش يعومـي
وسلامتكم
| 
|
12-10-2005, 11:13 AM
المواضيع المتشابهه
العرض الشجري