السلام عليكم
قالت وش اكـثر شي يعجبك فيني *** قلت بصراحه كل مــا فيك جذاب
اسمك ورسمك والشعر والجـبيني *** وعـيونك وصوتك وخدك والاهداب
قالت تبالغ قلت لا صـدقـيـنـي *** ترى وصوفك مـا بها شي ينعاب
ما كنك الا الليـل للعاشــقـيني *** وما كنك الا الوصل ما بين الأ قراب
كـلك عـلى بعضـك كذا تعجبيني *** وفي كــل يومٍ فيك يزداد الاعجاب
وشـلون مدري بس ذاشوف عيني *** والعين ماتنلام في وصف الاحباب
اجمـل من النسرين والياسميني *** واصدق من احساس الوفاء بين الاصحاب
الله وش هـالزين يانـور عيني *** حتى القمر يومك طلعتي معه غاب
ويـاكثر ما انتي بالغلا تملكيني *** ويـاكثر ما ني في شرايينك انساب
ويـاكثر ما جمعت لك في يديني *** ورد الحنـان اللي على وجنتك ذاب
يا شمس عمري يـا دفاي وحنيني *** جيتك حـروف الحب وعيونك كتاب
بلحيل احبك يــا رجاوي سـنيني *** وحـبك فتح للعاطفه كــل الابواب
احسـاسي الصادق معـك يحتويني *** واحساس لغيرك مـن الحب كـذاب
عمر الغرام ان طــال بينك وبيني *** لا تسأليني يوم عـن سـر الاعجاب
مع التحيه
الشاعر / محمد بن ابراهيم بن عبدالعزيز ال ابراهيم الفضلي
الملقب بــ ( الوافي )
اتمنى تعجبكم
الجوووري
| 
|
12-10-2005, 09:32 AM
سر الاعجاب ،،،،،؟؟
العرض الشجري