ماجاكم مطر؟؟

[عادل العتيبي]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الحياه دروس والدنيا تجاريب وعِبر=ومستحيل ان الزمان أليا مضى يرجع ورى
يالله أني عبدك المؤمن وراضي بالقدر=وراضي(ن) باللي جرى / واللي بعد ماقد جرى
أعوذ بك من زلة لساني ومن يوم الحشر=وألوذبك في يوم لاينفع ظلال ولاذرى
وأعوذ بك من سكرة الموتى وتعذيب القبر=انت الملاذ المرتجى يالله يارب البرى
كل ماجيت اسئل العربان ماجاكم مطر؟=قالوا انه له ثلاث سنين برقه ماسرى
جفّت آبار الديار وماتت عروق الشجر=وكم شعيب(ن) مندثر مجراه مبطي ماجرى
والغلا قطع عروق الناس وارهى بالفقر=من بغى دار الثرى ماعاد هي لحية ثرى
ومن لبس بشت الغناه يعوّد لبشت الوبر=وان وقف حظ البنادم باع حظه وأشترى
وكم فقير(ن) جاد بالموجود لو بطنه حمر=ماشكى لوعة زمانه والبشر محد(ن) درى
جعل مردوم السحاب اللي مقاديمه سمر=ترزم رعوده من العارض يالين أم القرى
يامره ربي وينزل ماه ويغيث البشر=ينتثر سيله على الوديان ويبل الثرى[/poem]