روائع الشاعر خالد مدعث

[محماس بن عبيد]

السلام عليكم ورحمة الله وبركاته 000
لقد أثار إعجابي الشاعر خالد مدعث الدوسري بقصيدته ( التوجد ) ، وهذا دفعني إلى البحث عن قصائد أخرى له وطرحها في موقعكم الرائع ، وسأبدأ معكم بقصيدة التوجد :

كل ما فاضت عيوني باشت الأضلاع غنا

الموارد في الضلوع وكل ضلع (ن) فيه ونـه

والتمني ما يحقق هقوة القلـب ان تمنـا

بس قلبي ما يداني تبعـد الهقـوات منـه

وا وجودي وجد من جلي عن دياره مجنـا

تو عمره عشر واربع والليالي مـا تحنـه

ما وراه إلا عجوزٍ واختـه وعـود(ن) مسنـا

بين فقر وبين دين وبين ضيم وبيـن منـه

ما ذبحهم غير دمع من الغبينه مـا يكنـا

ويل من سود الليالـي بالمصايـب يبتلنـه

راح مثل الذيب وهبلته حياة الذيـب ظنـا

وامن (ن)والموت يومي بين مخلابـه وسنـه

راح ينقل دم قلبه وان ضواه الليـل ونـا

الذيابـه مروحاتـه والسيـوف يـدورنـه

ليا ذكر دم القرايـب عانـق البيـدا وثنـا

وان تذكر ضحكة أمه زاغ قلبه من مغنـه

ما يلوعه في حشاه إلا ليا شاف البرق سنا

غاب عشر سنين ما به من يرد العلم عنه

ان حداه الخوف منا هزت الأشـواق منـا

يوم طال الوقت عود للديـار اللـي ربنـه

قـال مـا دام المذلـه والبـلاوي يبتلنـا

والله ان الموت في الأوطان بين الربع جنه

يوم وقف في المنازل ما لقى بيـت (ن) مبنـا

غير بيت للهبايـب والـذواري يلاوحنـه

راح يمه كنه اللي ضاربه رمـح (ن) إمطنـا

وعذابه ما درى ان سهوم بقعـا يحترنـه

يوم قرب سمع له صوت (ن) من العلـه يحنـا

حصل امه عندها ضيف يقول الموت سنة

قال يمه قالت عيوني مـن الدمـع انعمنـا

قال ابوي وقالت اطوال النصايب قد خذنـه

قال واختي قالت اقفى القوم باختك مع ظعنا

قال ربعي قالت اسنيـن المجاعـة فرقنـه

قال جيتك قالت ان الموت ما ظنـي تونـا

واستلمها نازع الارواح روحـن مرجهنـه

ثم صاح من التفرق صيحة اللي فيه جنـا

دق صدره وانطوى من حر ما به طي شنه

كل هذا حال قلـب مـن خلقـه الله معنـا

الهمـوم يوكلنـه والـروابـع ياكلـنـه

ليه أدور للسبايـب والسبـب فينـا ومنـا

النفوس وما تسوي واليدين ومـا حصدنـا

لا توسدنا الخطايا نلحـق الشرهـه زمنـا

ما جزانـا إلا عملنـا والحقايق يثبتنـه

قلت اجرب وش ورانـا بنتسـلا ونتهنـا

الليالي ماتخالف من طلـب شـي عطنـه

جاهل في الغيب واثراللي يسلينـا طعنـا

مادريـت الا بقلبـي والمحانـي يردعنـه

قلت وين تروح خلك في ضلوعك مرجهنا

قال مدري مير كن الحب تل القلب كنـه

قال مخطـي ليـه اليـا ذكرنـاه اشتحنـا

وانتبهت وطاح فكري للطواري واخلفنـه

رحت ابسأل بنت حوا ليت حنا مـا سألنـا

كان والله مستريح مخلـف (ن) قلبـي وظنـه

قلت هز العود صفق النود قال النود حنـا

ماذكر بـه عـود (ن) الا والهبايـب يطرقنـه

قلت في دارك غريب وقال حول في وطنا

لك محل (ن) في قصور(ن) له سيوف يحتمنه

قلت اهلنا قال والله ما نعيب سلـوم اهلنـا

العفيف من الهوى مابـه علـوم يحرمنـه

وابتدينا قصـة السبـع العجـاف ومللنـا

كل عام يمر يعطينا مـن اللوعـات فنـه

وافترقنا ما لقينا مـن يـرد العلـم عنـا

غير حب للهبايـب والـذواري يلعبنه

هــذه القــصـيـدة كــامـلــة ، حيث أني وجدتها في بعض المنتديات تنقصها العشر أبيات الأخيرة وعدلت بعض الكلمات التي قد كتبت بشكل خاطئ 0

والشاعر خالد مدعث يعمل في السلك العسكري برتبة رائد ، ولذا فإن الكثير من قصائده فيها من التوجد والشوق إلى نجد وإلى قبيلته ومن يحب فيقول :
واقلبـي اللـي لايـع البعـد لايـعـه
قلب ٍ خـذت سـود الليالـي بضايعـه
اليـا زهـم عينـي بغالـي دموعهـا
جاته عيونـي بـأزرق الدمـع فايعـه
قلـب ٍ همومـه كـل يـوم ٍ مغـيره
صكت على عرشـه وهـدت قلايعـه
جت له مثل ، سرب الجـراد التهامي
تشـرب معاليقـه ، وتاكـل زرايعـه
و كنّ الحشا من حرّ مابـه ، يمزّع
بسيوف هند ٍ تـودع الـروح زايعـه
و لاَّ ، بـنيبـان السبـاع الموحشـه
ضـواري ٍ مـن ستـة أيـام جايعـه
ذا حال مـن حالـه تربـت وصـارت
مـا تقبـل ألا مـن فوايـد ذرايـعـه
الـذل .. مـا يحتـاج طـرد وتعنـي
و العز .. عسـر ٍ مهلكـات ٍ وقايعـه
ولا فيه عز ٍ .. ما تـداوى جروحـه
ولا فيه ذل ٍ .. قـد تـداوت وجايعـه
الله واكبـر يــا زمــااان تغـيـر
شريت فرخ البـوم ، و الحـرّ بايعـه
وقت ٍ على الأنذال .. ستـر ٍ مضفّـى
ولا على الأجـواد .. تظهـر فجايعـه
عـام ٍ مضـى مـا كنّـي إلا مجلـى
أشوف مـن صكـات وقتـي روايعـه
متنقـل ٍ مابيـن ديــره و ديــره
رجلي علـى حكـم المقاديـر طايعـه
أقوي اعزومـي بنفسـي و أسوقهـا
في دبرة اللـي مـا يضيـع ودايعـه
بس اتفكر ، و اتذكـر ، و اهوجـس
و استرجع ايام ٍ علـى القلـب رايعـه
ماعاد باقـي غيـر تالـي رسومهـا
عهدٍ محـت سـود الليالـي طبايعـه
حطّـوه فـي قبـر ٍ عليـه النصيبـه
واقفى مثل ، شمس ٍ من الليل مايعـه
لو بـأشتكي ما سرّت القلب شكواي !!
شكوى ٍ لغير الله يا ( فهيد ) ضايعـه
مـن أول ٍ مابيـن ربعـي و ديرتـي
و اليـوم قلبـي لا يـع البعـد لايعـه

كما يقول الشاعر خــــالـــد مــدعـــث :

ياهبايـب كـان مرواحـك علـى نجـد العـذيـه

ودي علـوم الغريـب وهاتـي عـلـوم الرفـاقـه

عدي ( الطايف ) وخمّي البيد شرق من ( الحويه )

لاتحيـري عنـد غيـري مالـك بغيـري علاقـه
واخذي اجـري ياهبايـب واحفظـي منـي وصيـه

لويقولـون : الوصايـا ماتـضـوي راس نـاقـه

لاوصلتـي نجـد ردي عـنـي لنـجـد التحـيـه

مـن ضميـر لاحقـه مـن لوعـة الفرقـا لحاقـه

علميـه ان كـان طـال البعـد لايزعـل علـيـه

والله انـي فـي حياتـي ماشكيـت .. الا فراااقـه

العـرب قالـوا : تـرى مـا للخـوي الا خـويـه

وانت يا نجـد المسمـى ماخـذ ٍ روحـي عشاقـه

من غلاك ان هـب مـن صوبـك ذعاذيـع نديـه

قمت افتح في ضلوعـي طاقـة فـي جنـب طاقـه
العروق اللـي تنسـم مـن هـواك اتصيـر حيـه

من بعدكـم كنهـن يبـرن علـى مـوس الحلاقـه

مع هبوبـك ريحـة اهـل العـز ورجـال الحميـه

ربـع ٍ لعينـا ثـراك المـوت يردونـه شفـاقـه

محتمينـك بالهنـادي مـن العصـور الجاهلـيـه

رملـك احمـر لـون دم ٍ مرهـف الحديـن راقـه

غيـر هـذا يدهلـك يانـجـد وضــاح الثنـيـه

جادل ٍ خـلا العيـون المبصـره فيهـا حماقـه !!

مـن ولعنـا مانبـي عـن ديرتـه روحـه وجيـه

قمـت احـس بسحـر بابـل فالمعاليـق اندفـاقـه

ماتشكى مـن سمـوم القيـض عـود وسـط فيـه


كيف يضمى وازرق الماء يزعج الساقي زراقـه !؟


لاوقفت صاحب فخامه .. وان مشت بنـت العبيـه


وان تثنـت خيزرانـه ليـنـه غــض ٍ دقـاقـه

ناهدينه فوق صـدره روحـت خصـره ضحيـه !


واشتكى الساق الردايف .. واشتكت لـأقدام ساقه !!
والجسـد ريحـة فيـاض وسمهـا سيـل برديـه

والزبادي مـن عرقهـا ماخـذ ٍ ريحـه ****************ـه !!


ماعلينـا فــي هـواهـا لا مــلام ولا خطـيـه



العسـل لوذنـب اذوقـه ! ذنبـه بحلـوة مـذاقـه



ميـر روحـي ياهبايـب وانحـري نجـد العذيـه



هـاذي علـوم الغريـب وباقـي علـوم الرفـاقـه



كـمــا يـقـول الـشـاعـر خـالـد مـدعـث :

أنا ولد (( مدعث )) على الطيبـه طبـت

مـا ألـد ّ عينـي فـي بنـات الرفـاقـه

من طيب(أبوي ) وطيب ( عمي ) تعربت

ومن صـوب ( خالـي ) مالحقنـي لحاقـه


كما يقول خالد مدعث موجها قصيدته لأخوه غانم ينصحه بأن يشتري سيارة شاص :

ياغانم أشتر من جديـد المواطيـر
شاص (ن) على كيف الغريب الخـلاوي
لونه مع الأصباح كنـه نحـر طيـر
ولونه مع أتلا الليل نجـم (ن) سمـاوي
خطه مع الجنبين ياهيـه مـا غيـر
شفة هنوف (ن) من سقا التـوت راوي
أليا مشا كنـه ولـد شيـخ (ن) امغيـر
مصطور صفقه صفق سيل النحاوي
ولافـز تسمع له مـع القـاع تصفيـر
صر السواني فـوق بيـر قصـاوي
ولاوقف ماله من الوصف تصويـر
ألا كمـا وصـف العديـم النـداوي
صوت كفراته لونست شلعت القيـر
كنه أعوا ذيب من الجـوع طـاوي
وجلد التواير يجلـد الحيـد والعيـر
رعاد مـزن والبـرد منـه هـاوي
وحس المكينه لااستوت فزة السيـر
حس الهنوف المترفـي السحـاوي
ورفارف يشقابهـا الفكـر ويحيـر
كنـه ردايـف لا بسـات الغطـاوي
لـه مقـدم كنـه يقـود الطوابيـر
أو مثل قبـع العسكـري الفـداوي
ماخذبه أعيـال الجحلـط مشاويـر
ولا حملوا حوضه بجـحٍ حسـاوي
ما ساقـه ألا محتميـن المعاشيـر
أهل العـزاوي مخلفيـن الهقـاوي
هو علة ألـي مابراسـه صعاطيـر
وهو طب من يونس على الكبد لاوي
هو منوة أقلوب الزحـول المناعيـر
لكـن دونـه يقصـرن المـنـاوي
يازيـن فوقـه لامشينا بـه اعصيـر
مع خايع (ن) مـاداج فيهـا الشـواوي
وسهيل بان وطلعتـه مقـدم الخيـر
نجم (ن) مع الغيـث المغيـث أمتخـاوي
والوسم جاله مع أدخولـه تباشيـر
وذكر الحيا جت له أعلوم وحـراوي
يـا الله بهمـال بصـوب المزابيـر
نون سنا برقه مع الغـرب ضـاوي
يسقي الديـار الممحـلاة المداهيـر
اللـي ثراهـا فوقهـا العـود ذاوي
وبل(ن) وصوته لاسقـا القاع تكبيـر
شهرين والما حاير فـي المحـاوي
حتى غـدا روس الزبيدي مشاهيـر
فوق الثرى يعمي العيون ويـداوي
كنـه أنهـود قطـعـن الأزاريـر
يضيـع معهـن ................
قفـر(ن) تعانق به أغصون النواوير
الريح طيب ولـأم سالـم غنـاوي
والروض باطرافه تحـن المغاتيـر
وحيرانهـن يبرلهـن بالخـطـاوي
وقفة فحلهـن بينهـن كنـه النيـر
ولا عقـيـد دون داره حـمـاوي
ذي جنـة الدنيـا والأيـام تعبيـر
ولا زينه ألا مقتفيهـا بــلاوي
لو مانسج الرجل في الخبت ونسيـر
معـاد نلقـا للونـاسـه حــراوي
أقنـوص والارايحـيـن مسايـيـر
صوب الرجال أمزبنيـن الجـلاوي
ربع (ن) لهم حشمه وقيمـه وتقديـر
مجلاسهم ماهوب مجلـس قهـاوي
العـود الأزرق والـدلال المباهيـر
ودثر الشحم فوق الصحون أمتساوي
دواسـر(ن) يـوم الحرايـب بواتير
ويوم الرخا حبل (ن) متين (ن) رهاوي
أصغارهم يثنـون عنـد المظاهيـر
ستر العـذارا والدبـش والعـزاوي
وكبارهم مثل الوحـوش الهواميـر
أسيوفهم بيـن النحـر والكـلاوي
وباقي القبايل نعم من غير تقصيـر
وكل (ن) ًعلـى فعلـه يعـد الحكاوي
غير النشاما ما يبي القلـب تدويـر
في شوفهم يسلا العليـل الشقـاوي
أسـج معهـم والليالـي مقـاديـر
والعمر مـره يالخفـوق السنـاوي
وش خانة الدنيـا وجمـع الدنانيـر
وحنا علينا نـازع الـروح نـاوي

وتقبلوا فائق تحياتي وتقديري ، والسلام عليكم ورحمة الله وبركاته 0