واليوم كيف الـحال

[جهز الهرس]

يازين المكان اللي تمشيت فيه عصير
........................جنوب ٍ من الوادي شما ل ٍ من الاقذال
هذاك المكان اللي تربيت فيه صغير
............................مغـير الرسوم الباقيه والجبل لازال
زمان الشباب بغير واليوم وضع ٍ غـير
..........................ياليت الشباب يعود يوما ً على مـاقال
الايازمانن فات ليتك تعود بخـير
.....................زمانن مضى في حال واليوم كيف الـحال
تصورلي الما ضي على خا طري تصوير
.....................من الغيض مدري هيض غـنيت باالموال
تجيب الطواري ذكريات ٍ لها تاثير
...........................على القلب تلعبه مثل لعبة الجهال
ولافادني كثرالتمني مع التفـكير
.........................انا ادري لكن القلب ما طاوع العذال
الا يا زمن ياكثر مابك من التغـئير
.....................الشوف الثقال خفاف واللي خفاف ثـقال
ابا اصبر على الدنيا ومهما يصيريصير
.......................انا راضيا ً با اللي من الواحد المتـعال
عسى الغيث يسق العبله اللي جنوب البير
......................ليا أقبل من المنشاء خيال ٍ وراه خـيال
بعد زل نصف الليل الاول من الخـير
..........................يخوف بحال وحال شوفه يسرالـبال
زفيرالرعد والبرق منه العـقول تـحير
......................ما بين الفرح والخوف تضربه الأمـثال
على ضوح براقه تشوف الطيوراطير
..............................تخلع بربانه وسيله يكض الـجال
شمال ٍ اليا عرعر جنوب ٍ اليا خرخير
...........................تصير الجبال مع السهل كنها شلال
من اقصا ديارسبيع اليا اقصا ديارمطير
...........................على ديرت العتبان ياخذ شهرواليال
على عبلة البره وحسله وضلع النـير
..........................جميع الصحاري كلها كل وادن سال
وبعد جف سيله عشرة ايام با التقدير
......................تشوف النبات ليا كسا الارض بالاشكال

جــهزمســيميرالهــرس المرشــدي