الــخــــط مــاشــــــــي

[عبدالله المرشدي]

أخر جديدي عسى ينال اعجابكم والله يبلغنا وياكم رمضان وكل عام وانتم بخير


[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
ياقاف حضر طالبك في مهمه=تعال وقع لي على صفحة البوك
طير الهجوس الشرد ودي بخمه=اخاف يجفاني ليا صار مفكوك
بعض الدروس الواضحه والمهمه=عرفتها من كثر مامشي على الشوك
لاخطيت فالتقديـر جبـت المطمـه=ولارخيت جنبك للرياجيـل حـدوك
وفعلك ليا من قلت لازم تتمه=والا ترا هرجك مع الوقت متروك
وشمل الرفيق ان كان تقـدر تلمـه=لمه وخله في عيونك وانـا اخـوك
ماكل عدٍ حلو يروي مجمه=ولا كل مشروكٍ على طول مبروك
شد الحزام وخل همتك همه=ان كان تبغى قولة ونعم لاطروك
الخط ماشي والفضا مدلهمـه=والمعمعه من خلفها باب مصكـوك
تخالف الهقوه على كل يمه=وتلقى الطريق بجرة الخلق مدكوك
احد مدح بالوقت واحدٍ يذمه=مايدري ان الوقت ماهوب مملوك
ساير ظروف الوقت واسبح بيمه=مافيه ضيق الا بالافراج مشروك
واللي شرب بيديه كاسات سمه=يلقى النهايه مابها ريب وشكوك[/poem]