كان فيه اثنين ثالثهم جميل

[عبدالله المرشدي]

آمل ان تنال رضاكم وكل عام وانتم بخير

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
الدليل مع الدليل مع الدليل =كلها مع بعضها تطلع ادله
كل وادي لارتوى سيله يسيل=وكل مخلوق على ماهو هلله
يعني الدعوى تبي وقت وبديل=ماتحمل زود يابن الناس لله
لاتفك الطير وتشق الصميل=كل كايد عند رب البيت حله
التواضع ميزةٍ الشهم الاصيل=والتعالي فيه نقص وفيه ذله
العميل اللي يسمونه عميل=مايدقق في حسابات الاهله
الوفا والطيب والعلم الجميل=ماتجمع غير في طيب الجبله
ماتشوف الصدر ضايق مستحيل=غير تلقى فيه مهما كان عله
الصداقه درب يمكنه طويل =بس درب الصدق من يبغى يدله
كل محصول يعد بلا حصيل=ابرك الحزات لو تفنيه كله
النفوس لبعضها دايم تميل=والكبود تعاف من شيٍ تمله
بالعقل يصلح قبيلٍ مع قبيل=فرد واحد مايساوا له بشله
كم هيبلٍ جالسٍ له مع هبيل=كل واحد مادرى وش فيه خله
الليالي غيبها عند الجليل=بين ضيق وبين بيضا مسفهله
ماتدوم بحالها لازم تعيل=والحظيظ اللي تعدا ماحصله
الفراق ايجيك يبحث عن قتيل=والقتيل اكيد يلقى من يحله
ودي اضرب لك مثل ماله مثيل= بس خلك كل لحظه فاطنٍ له
كان فيه اثنين ثالثهم جميل=كل واحد بالفخر يندى سجله
كم تعدو من كثير ومن قليل=وكم قضو في ليلةٍ مليون فله
دارت الدنيا على زيد وعقيل=وانت يما زيد والا صاحبٍ له[/poem]