عسى الله لايردك....

[بـــنــت روق]

عسى الله لايردك يالزمان اللي جمعني فيه ** وعسى الله لايعيد اللحظة اللي جابت طيوفه

حبيب(ن) لاذكرته قلت انا مغليه.. لاماغليه ** وزوله لاتهيالي اصد وكن مااشوفه

اليا مني طردته عن خيالي خافقي يدعيه ** واليا مني دعيته قلت مافي حبه احسوفه

تذكرت الغلا وايام كانت في يدي ويديه ** وتذكرت القصيد اللي عجز لايوفي اوصوفه

زمان لاطرالي لو طلب عمري اجي واعطيه**وانا ماابي سوى حظنت غلاه ومسكت اكفوفه

ولكن غرته دنيا يحسب ان البشر تغنيه ** عن اللي صان حبه في ردات الوقت وصدوفه

رحل حزني معي واثر السبب ماضيه ** وصارت رحلتي في هالزمن ماهي بمعروفه

الا ربي حسيبه باع قلب بالغلا شـاريه ** نقض كل الوعود اللي مضت وياه وحلوفه

عسى الله لايرده يوم صد وخافقي يرجيه ** وعسى الله يرحم القلب المعذب منه ويروفه

((بقول اني انا ناسيه ولكن ماني ابناسيه ** اليا مني نسيته رجعتني للغـلا طيوفه))