قصيدة لزيد المرتعد عن الكيف

[المرتعد111]

الشيخ زيد بن حسن المرتعد شيخ اليمنة من الجعافرة من عنزه

[poem=font="Simplified Arabic,5,green,bold,normal" bkcolor="white" bkimage="" border="double,10,blue" type=2 line=0 align=center use=ex num="0,black"]
يا شاربين التتن جوزوا ماهو كيف = تراه شغل ابليــــس يبرم بالاسلام
كبدك من الدخان تصبح تقل حيـــف = و ليــــا غدا عده جريم من العــام
الكيـف يلقى بالدلال المــــــــهاديف = ليا قلطن في فيّـــــة البيـــــت قدام
يعبـــالهن هيــــل و بـن بتزريـــــف = و الزعفران مـــروكٍ بيــد خـــدام
و اليا ولم فنجال صبه على الضيف = و أبد بكبير السن عن لــوم لـوام
سقها على اللي بالقا يروي السيف = و اثنه على اللي سيح الزاد بيدام
و الثالث اللي بالفهامة عــواريــف = لاصار بين الربع قالات و خصــام
و عده على اللي خاملين و هذاليف = لو اعجبتك ازوالهم بين الأجسـام
يادن نجر الماو يجمع هل الكيـــــف = يستــاهلون البن تطفيـح بشمـــام
اللي يبنّون الربـــــــاع المشانيـــف = يقسون في عسرات الليالي والايام
إخــــلاف ذا ياركبن فوق زلغيــــف = يفــوت صلفـات الهبايــب بالـــولام
ياركبه من عندي نصّه هل الريــف=هل الربــاع مدلــهت كل مســـــنام
ياحلو صفت خيـــلهم بالمساليــــف = ابن غبين و عقب جدعـــان و دهام
يزهن بعيــنك ياحقلن بالمساليـــف = صفرٍ و حمرٍ لبسهــم شغل الأروام
ون جردوا علط المهار المزاغيف = تامن بهم لو جت تحاند بالـــــروام
يروون عطشان الغلب بالتحاريـف = و الخيل من ضرب المداريع خرام
سلم عليهم و احرف النضو زلغيف = و قله تراني مجــلدٍ عنـــد غنــــام
محمد كما حرٍ بروس المشاريـــف = صواع لواعٍ للاســلاف خمـــــــام
نكّس هل المردود و أسند مع السيف = تـجمعت لــه كل حمرا بـنـي لام
و أقفوا كما مزن تحده عواصيف = أقفوا و خلوا لابس الخصر و زمام
ماهو ردى مار الضياغم حواذيف = نـجم هوى لمصملخ الضلع هــدام
أضحت قبايل عقب كونه مواليف = و ابن سعودٍ له تـحيه و الاكـــــرام[/poem]