باااااااااح الصبر

[عادل العصيمي]

[align=center]بسم الله الرحمن الرحيم



جديد × جديد


اتمنى من كل قلبي ان تنال اعجاب الجميع[/align]


[poem=font="Simplified Arabic,6,black,bold,normal" bkcolor="transparent" bkimage="backgrounds/47.gif" border="none,4,gray" type=2 line=0 align=center use=ex num="0,black"]
ياهل الهواء ويش اسوي فالحبيب اللي مقامه رفيع= قلبي يحبه ما غير اصبّـره ياجعـل ياتـي فـرج
ما عاد فيني صبر باح الصبر والحظ عيّـا يطيـع = حظي منوّل صحيح الساق مير اليوم حظي عـرج
قلبي تصبّر على جور الليالي ليـن مـا يستطيـع = يوم المشاعر تنادي وين محبوبتك ليـن انحـرج
ضيقت صدري بحرمانك وانا والله صدري وسيـع = ابيك واخاف هرج الأبكم الأصـم لـو مـا هـرج
مشتاقلك شوق راع الضان والبل للمطر والربيـع = والشوق يزداد في قلبـي وقلبـي بالمحبـه درج
انا على الحب باقي وانتظر دام الوفاء ما يضيـع = ياليت قلبك يحس بشوقي اللي من خفوقي خـرج
كنت احسب ان الهواء بيني وبينه قام سدٍ منيـع = واشغلني الزين لين ان الهواء تحت الظلوع اندرج [/poem]