مهرةٍ يوم اقبلت تختال بغرور ودلالي
قلت في قلبي هني من ضم في كفه رسنها
وقمت اقول انها مجرد صورةٍ تسكن خيالي
مستحيل ان الحقيقه ينوجد هاالنوع منها
وقت عصريه وكن الشمس مالت للّزوالي
جيت من دارٍ بعيد وصرت ضيفٍ في وطنها
وقفتي فالصيهد اللّي شرق عنهم للّشمالي
والعذر طيري دعيته لين لحظاته لعنها
لجل اشوفه يوم جا يمشي من البيت الموالي
والوعد بيني وبينه وقفة الصيهد ثمنها
عوده الين من غصون الّراك لامن مال مالي
حظ نسناس الهوى بغصونه اللي يحتضنها
كامله باالوصف ياتركي ولله الكمالي
فاتنه تفتن وصايفها ولااحدٍ قد فتنها
فاقت اوصاف الخشوف وفاقت اوصاف الغزالي
والجمال اليوسفي اصبح لها منها وعنها
لابعمرن فات من عمري ولاعمرن بقالي
جات صدفه في زمن ماكان يحسب من زمنها
باتعذر بشقر الجنحان يومه من حلالي
والعيون الناعسه لاراهنت بكسب رهنها
طاريٍ في البال بس المشكله وشهو طرالي
والنفوس تسوقنا لو مانبي نتبع ظعنها
وانت يافرصة حياتي كلها ياراس مالي
والله انك عندي اغلا من بلدك ومن سكنها
كم شكالي عم دليق الورد منها كم شكالي
والقمر منها شكى والظاهر انه غار منها
ويش اقول وويش اخللي ياالربع واعزتا لي
دام روحي هو سبب ماصابها واللي طعنها
صرت احب الطعنه اللي جات من غالي لغالي
كنها التأنيب عن مافات والتأنيب كنها
اقبلت مثل السحاب اللي تنشى به خيالي
والخفوق اقفا ورد الشّان يومنّه زبنها
لاتثنّت كنّها بين الميول ولعتدالي
قلت خذ روحي ولاصدّق خبر قام ورهنها
ان تنطحها الهوى غنّى لها لاله يالالي
وان تقفّاها يغيّر لغنيه والاّلحنها
والاجابه شفتها بالعين قبل اطرح سؤالي
يوم قلبي فز ناصيها وجاء حتى زبنها
ابيات للشاعر
راشد بن جليميد
اتمنى تعجبكم
@
@@الجوووري@@
@
| 
|
12-04-2005, 09:00 AM
قلت: خذ روحي،،،، ولا صدق خبر!!
المواضيع المتشابهه
العرض الشجري