عامين في حبه وانا اقول مسموح
اجرح على كيفك تراني سموحي
دام المحبه تاخذ القلب والروح
انت الحبيب وخل دمي نزوحي
والقلب لو يشكي من الحب مطروح
خله على درب الموده طموحي
لا تحرمه خلك مع الود ساموح
عن الزلل خلك مصافح صفوحي
ياحالي المنطوق من هرج ومزوح
خابرك في هرجك تحب المزوحي
فيك ابتسامه سحر والقلب مفضوح
من طيب قلبك فالمواجه تبوحي
مكتوب حبك بالقلم داخل اللوح
مااقدر على فرقاك ياروح روحي
اسهر طوال الليل والقلب مجروح
صابر على همك رجاء لاتروحي
قدر محبة من شكى الحب مذبوح
عامين يبني مايهد الصروحي
والحب كله جرح والبحر مملوح
والطب والله مايداوي جروحي
عيب(ن) على الرجال في سره ايبوح
لو كان سره فالمحبه ذبوحي
للشاعر
خالد عتيق النفيعي
اتمنى تعجبكم
اختكم
@
@@الجوووري@@
@
| 
|
12-04-2005, 08:13 AM
فيك ابتسامة سحر والقلب ،،،،، مفضوح!!
المواضيع المتشابهه
العرض الشجري