ـآلـهـوِجـآس

[سلمان النفيعي]

ـآلـسـلآم عَـلـيْـكـم .... يـسُـعـدنـي اقـدم لكم هآلمتوآضـ ع ـه كأوِل مصـآفـ ح ـة اتمنى انهآ تليق برقي هآلصرح آلشآمخ : )



[poem=font="Courier New,4,black,normal,normal" bkcolor="transparent" bkimage="backgrounds/49.gif" border="double,3,gray" type=0 line=0 align=center use=ex num="0,black"]



في خاطري لاح صيد وشب فيني شبوب = ومـن عادت الصياد صـيده يقيده بكتاب

اغوصها كل البحور ادلها كل الدروب = ماتمطر الا وتخرج بالمطر زين العشاب

مالاح صاح بخاطر الي تهبهبه الهبوب = ياكيف نفسي عسى ماتقـبل الا الصـواب

قم يالمقهوي ترا يلزمك حمس الحبوب = والنجر دندن على سمعي يجر الرباب

والنار شبت غضا والكيف فوقه يروب = مـاكـنهـا الا شجـيع فـوق ذيـك الـركـاب

عند النفود الطرب بالجال قرب الخبوب = الجو نـسنس وذعذاع الـهـواء والـسحاب

لافاحت الشقرا وصل علمي وماني كذوب = بظهـرخـفايا المحاني بسن الشباب

ولازان فنجالكم يالغلا زالت كروب = بيزين حـالٍ تعب من بعـد وقت العـذاب

ما هـز فنجالٍ جلى عماس راسِ عطوب = بعطيـك علمي ولاتـزعـل بأيت عتاب

العين مانامت عسى من يعذبها قروب = السمـع محتـاج صوتـك لاتـكثـر غـيـاب

القلب كله على بعضه هوى ريمِ لعوب = دَخَـلـت صدري وصكيت بعدك كل باب

طبعي اذا مديت يدي مايجي مني هروب = لـكـن بعـض العـرب ماتعـتـني بالقـراب

معذوروصفك عجب,,مابه عجب ياعجوب = ميرالرفق بالذي حبك ولاغيرك اجاب

عينك ياعيني..بشوفــها عيوني تذوب = مجرورة الكحل خلقه والحواجب والاهداب

تسحر حكيم رزيـن ثابـت بالخطوب = فـي نعـسـها وبـصدهـا وبـتـسامـتها جذاب

ياخشمها سَل سيف معتزى بالحروب = ماجمل من الخشم غير الي مبرقعته نقاب

وياخدها ازهر كما شمسٍ بحزة غروب = نـواعـم تـحـنـي الـقـاسـي تـلـيـن الهضاب

والثغر ماقوى وصوفه لاكان بالي طروب = يازين صوت يظهره بالحيل ياهوعجاب

ماحلى حنين اللحن ياسامعه ماتخوب = تطرب له اسماعي طرب وكلي هياب

لاطلت الشفه بمسمها تبـيـن العذوب = تـنشـر زهـر وسـط المدن وتحيا الجداب

والصدر يبرق حلا والناتقات القبوب = والعقـل يسـلب امـم يـاطـيب ذاك الـلـبـاب

وبخفة النفس مابه مثل هاكـ الرحوب = يـغنيكـ طبع بها عن كثر ربع وصحاب

يـازين ذيـك العـذارى مآخـذات القلوب = مجـمـلة فارقـة وضوح ليـل بـشـهـاب

دورتها بوضح النقا ونفسي تريد الذروب = جهـزت كل المطالب حثيت كل الزهاب

والرزق عند الذي ماخيب الخلق نوب = العالم الي مابــينه وبيـن عـبـده حجاب

كافيك رزقك ومن كثرن همومه يطوب = لـيــا دعى خالقة واجاب حكم الكـتـاب

هذا وتـرا الدنـيـا لها صكـات ونشـوب = ياكـثـر ماورتـك ماهـا ثم عـود سراب

لاتامن الفتنة ولاتهدم مابني طوب طوب = جود الي بنيت وطاب فعل القرم طاب

ياسايق الفنجال تكرم وتفـداك العـروب = علمي وصل وسكتي حـانت رجوع واياب

وعونة الله نبيها بكل حدب وصـوب = وتجمل افعالي ياعوني بالسرايـروالـثياب

كــل على سكته شـد حـبـل الــركــوب = وكــل يـريـد انه يـنادى بينهم ياذيـاب

وصلاتك الله على نبيك شروق وغروب = افـضل نـبي وآخر نـبي قد ذكر بالـكتـاب

[/poem]


وســـوِآلــم 000