((( الخطيـــــــــه )))

["الباشق"]

[poem=font="Simplified Arabic,4,black,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
[align=justify]سامح الله من قصدني واعتمدني بالخطيـه0000من قريبين الجدود ومن بعيدين الجـدودي
دايـمٍ مايفلـح اللـي غيّـر النيـه بنيـه0000والخطيه كان ماتنقـص تراهـا ماتـزودي
خابر انك ماتـروح بعيـد يـاراع الرديـه0000لو مشيت (2000) كيلو ماتعديك الحدودي
انـت طرقـيٍ معنّـى لاشـداد ولا مطيـه0000لا انت فتال العقود ولا انت حلال العقـودي
لو تحّزم بالرصال ولـو نقلـت البندقيـه0000الرصاص يذل والبندق تذل مع الشـرودي
هبّ وانا راعـي العشـوا وخيّـال العقيـه0000كيف يارخو العضود تضد مفتول العضودي
والله انـي لا كليـل ولاذليـل ولاعلـيـه0000مير احسب لي علومٍ مابقي منها وجـودي
احسب حساب الرفاقه والمـروه والحميـه0000حشمة للطيبين اللـي بعضهـم فاللحـودي
نظرتي فالطيبيـن ونظـرة الحسـاد فيـه0000كلها نظرة حسد والعود في عين الحسودي
والله اني ما ادعيت بحجّـةٍ ماهيـب ليـه0000حجتي ما تنجحد واللي جحدها من شهودي
خافوا الله يالقضاه اللي تعرفـون القضيـه0000الصحيح يسود والباطل مصيره مايسـودي
لامطالبكـم بديـن وذمتـي منكـم بريـه0000مابقي غير العلوم اللي يبيحـن السـدودي
بيّنٍ عيد رمضـان وبيّـنٍ عيـد الضحيـه0000ياعسى الاول يعود وياعسى الثاني يعودي
ياقطن جاتك مزوّعةٍ مـن الحـرّه طميـه0000مستخفّه عقب كانت لارمـوح ولاهبـودي
ساقها عشق الجنون وساعدتها الجاذبيـه0000لين عدتها الجبال المستطيلـه والنفـودي
معجزه في عصرنا الحاضر وعصر الجاهليه0000الهوى صاب الحجر مابه قلوب ولا كبودي
وين قيس بن الملوح وين ليلى العامريـه0000كيف ماينصفهم اللي ينصف ديانا ودودي!!
والعزا فيما بقى واللـي بقـا فيـه البقيـه0000مرة الايام بيـض ومـرت الايـام سـودي
يالله اجعـل خاتمتنـا بالسـلام وبالتحيـه0000ونتوفى محرمين وفي حرم ربي سجـودي[/align][/poem]
الشاعر / حبيب العازمي