قدلـي ثـلاث أيــام للحـيـن مـارقـت
.. .. .. .. .. كل ماطرالي طعم وصله فهقته
إشتقت..إيـه إشتقت..وإشتقت..وإشتـقـت
.. .. .. .. .. ولاعن قافٍ صوب ريحه طرقته
للحيـن أنـا مـن طعـم حبـه فلافـقـت
.. .. .. .. .. ماهوب أحبه والله إني عشقتـه
لاجيـت أسـج شـوي عـنـه وبـرقـت
.. .. .. .. .. أونس بصدري طعم لجة فشقته
أنـا وقلـبـي يــم صـوتـه تسابـقـت
.. . ... .. .. مدري سبقني القلب وإلا سبقتـه
بـس الـوكـاد إنــي بقلـبـه تعلـقـت
.. .. .. .. .. إلا الوكاد إن أعذب الوقت وقته
عـلــى النقا..لاخنت..لابعـت..لابـقـت
.. .. .. .. .. إلا غـلاه إن ماعطانيـه بقتـه
ليتـه يعـرف المسألـه مسـألـة وقــت
.. .. .. .. .. ماهوب موضوعٍ يوقع ورقتـه
أصل الغلا إحسـاس لـو سقـت ماسقـت
.. .. .. .. .. مايمكن إنك تشعـره ماشهقتـه
وإلا شعـرت إنــك بعشـقـه تطـوقـت
.. .. .. .. .. يلذ لـك قلبـك إذابـه حرقتـه
ولاأقبل عليـك وقمـت ترجـف وعرقـت
.. .. .. .. .. إذكر قليبك وإعرف إنك لحقتـه
وأنــا إلامـنـه طـرالــي تعـانـقـت
.. .. .. .. .. مع النجـوم ولذلـي ماعنقتـه
ولاغـاب مثـل اللحين..مارقت..مـارقـت
.. .. .. .. .. يعودلي طاريـه لامـن فهقتـه
وسلامتكم
للشاعره
بنت ابوها
الجوووري
| 
|
11-30-2005, 06:09 AM
مسألة وقت،،،،،،،،،،،
المواضيع المتشابهه
العرض الشجري