صوره شادتها يوم الاثنين

[ذايع]

[poem=font="Simplified Arabic,5,blue,normal,normal" bkcolor="transparent" bkimage="" border="none,4,gray" type=1 line=0 align=center use=sp num="0,black"]
واسم حالي آه ياسم حالي=من صورةٍ شاهدتها يوم الاثنين

ما هيب صورة عشق غالي لغالي=والا هوى والا غرام المحبين

من شفتها ما عاد في احتمالي=غصبٍ علي انهل دمعي من العين

طفلة ولكن فاقده للدلالي=عنها ابوها مات والناس لاهين

وصارت تصارع وقتها دون والي=والوقت قاسي واكثر الناس قاسين

وعلى طريق المدرسه من شمالي=تجلس بجنب القبر تصفق بكفين

تبكي ويصلاها من الحزن صالي=طول النهار تصيح ابويه غدى وين

تقول خبّر والدي بما جرالي=من يوم عني راح انا بين نارين

ومن يوم انا شاهدتها عزتالي=وادعي عسى ربي لها يروف ويعين

حكم القدر مكتوب اول وتالي=والموت كم غيّب الوف وملايين[/poem]