عاشــق النرجســية...!!!

[جابر الثبيتي]

[poem=font="Simplified Arabic,6,black,bold,italic" bkcolor="transparent" bkimage="backgrounds/19.gif" border="ridge,8,chocolate" type=2 line=0 align=center use=ex num="0,black"]
ماني على بالك ولنتي ببالي=ولاني بحاجة من تغلا عليه
روحي مراح أيامن والليالي=اللي مضت مهي من الوقت جيه
تلقين في دنياك واحد بدالي=يعطيك(ي)اللي تطلبينه هديه
عشق(ن)مثل عشقك مشلا تسالي=ما يصلح لروح(ن)من الله غنيه
مثل العواصف لا عصفت بالرمالي=عواقبه تترب وجيه(ن)نقيه
سريع في عصفه سريع الزوالي=يبدأ اذية والنهاية أذيه
ماني زبون لبائعات الدلالي=اللي يعرضنه بصبح وعشيه
أنا هوايه ساترات الجمالي=هنه غرامي دامت الروح حيه
ما يعرضنه فوق كل الرجالي=ولا يذكرنه للعقول الغبيه
الفرق واضح لا يطول الجدالي=ماني بتابع عاشق النرجسيه
الله مغنيني بزين الحلالي=اللي ملكته بالشريعة يديه
حلت خفوقي ساعة القلب خالي=ما عاد خلت فيه عشق لبنيه
هذيك شف الروح بأول وتالي=ماني مبدلها ولا شي نيه
اللي غلاها من غلاوة عيالي=غير الوصوف الباقيات الخفيه
من كل زين وزين بالزين حالي=عايش أنا وإياه عيشة هنيه
غالي وببذله من الجود غالي=لو يطلب عيوني وهبته عينيه
يفداه مالي وإن طلب بعد حالي=يرخص على شانه كثير وبليه
للي غلاها ثابت(ن)ما يزالي=في داخل الأعماق ميه بميه[/poem]

[align=center]وســـــلامتكم[/align]