أحنلك ماحنت النوق للبيد

[صقار الجزيره]

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
أحنلك ماحنت النوق للبيد=وشتاقلك مادام بالروح تالي
وبكي عليك دموع فرقا مواريد=ياللي سميت بداخل القلب عالي
خط الزمن بطارف خدك تجاعيد=على الشرف ماخطهن ببتذالي
كسبت حب الناس من دون تحديد=من جالسك مره حفظلك خصالي
أنا اشهد انك من زمان التحاميد=ابيض من الثلج الندي الزلالي
جارك عزيز ولا سمع يوم تهديد=الا الكرامه والنقا والدلالي
ياما خذيت كبار قسمك من الصيد=وكم نادرٍ جبته عسير المنالي
وياما قطعت ديار قفرى ممباعيد=مابه ياغير الذيب مهفي الحلالي
مع رفقتٍ يزهاه لبس البواريد=عيالٍ تعد المرجله للكمالي
وياماحلى لاجيت مع ليلة العيد=من غيبةٍ دامت علينا ليالي
مقدم ربيع النفس للعزم تجديد=شوفة عزيز يملك الروح غالي
ابكي على فرقاك واحن وازيد=يابوي وقسم ماتفارق خيالي
وطلب من الله يجمع الشمل ويعيد=في ظل عرشه بالجنان العوالي
مرحوم عد طعوس رمل ٍعلى البيد=وعداد ماذعذع نسيم الشمالي[/poem]