السلام عليكم ورحمة الله وبركاته
هذي القصيده اعجبتني واحبيت انقلها لكم ........
الشاعر للاسف ما عرفه ..........
عـزاه ياقـلـب تضايـقـه الاوهــام
وعـزاه ياجفـن(ن) قلـيـل ارقــاده
القلـب فيـه اهمـوم والجفـن مانـام
والحـظ الاقشـر فيـه نسبـة قـراده
هم اليمن والغـرب والشـرق والشـام
زودن علـى همـي تـزيـده ازيــاده
و جدي على حالي مثـل وجـد صـدام
ذبحـوا عيالـه واستحـلـت بــلاده
وجدي على حالي مثـل وجـد الايتـام
بنت(ن) فـروع وجاهـل فـي مهـاده
وجدي وجود الزيـر فـي ذبـح همـام
عقب الصداقـه طيحـه مـن اشـداده
وجدي وجود اللي علـى الخيـل مقـدام
كسروا بنـي عمـه وصـوب جـواده
وجدي وجود اللي كريـم(ن) الـى قـام
ماجمـلـه فوجـيـه الاجـــواد زاده
وجـدي وجـود امـرض لـه تـرزام
عقب الطـرب خلـي طريـح الوسـاده
وياوجـد حالـي وجـد وبـران يايـام
يبغـي الفـرج ياتـي وتطلـق قيـاده
وياوجد حالي وجد عود(ن) مـن العـام
صيبـه بنـات وعلتـه فـي فــواده
وياوجد حالي وجد مـن جـاه الاعـدام
عقـب السجـن تقـرا عليـه الافـاده
اشكي على الايـام مـن جـور الايـام
واثر الغـدر فـي سـود الايـام عـاده
تشطب على اهل الطيب من روس الاقلام
والاش تعطـيـه الـفـرح والسـعـاده
عزالله ان حـظ العـرب طـاح ماقـام
راح السعـد منهـم مـراح الـجـراده
جونـا طغـاة الكفـر عبـاد الاصنـام
كـل(ن) يــدور عنـدنـا للسـيـاده
قالوا على الاسـلام وانصـار الاسـلام
واحـد ورى واحـد تكـون الابــاده
صرنا هـل الارهـاب كلـه والاجـرام
هـذا حسـب راي العـدو واعتـقـاده
وحنـا حمـاة الديـن والوعـد قــدام
يحـرم علـى الطاغـي يحقـق مـراده
دام العمـر مــادام والـعـز مــادام
امــا حـيـاة الـعـز ولا الشـهـاده
وختامهـا صلـوا علـى سيـد لانـام
علـى الرسـول اللـي ومـر بالعبـاده
.
.
وسلامتكم
| 
|
11-28-2005, 07:47 AM
المواضيع المتشابهه
العرض الشجري