أمــانة الله يا هــوا..!!!

[جابر الثبيتي]

يسرني تقديم هذه الأبيات المتواضعة

علها تلقى القبول لديكم

[poem=font="Simplified Arabic,6,black,bold,italic" bkcolor="transparent" bkimage="backgrounds/17.gif" border="ridge,6,darkred" type=2 line=0 align=center use=ex num="0,black"]
أمانة الله يا هوا مر ديرته=مر بغلايه بس بينك وبينه
قل له ترى صاحبك من شاف صورتك=حلو الكرا والنوم ما طب عينه
قل له ترى صورتك بلحيل سرته=والله على لهف(ن)بقلبه يعينه
قل له تركته في معاناة حيرته=وده بقربك بس قصرت يدينه
قل له ترى بيموت من زود غيرته=لكن يكتم ما يبيح كنينه
بلغه مالي سيرة(ن)غير سيرته=وأشواق قلب(ن)ما يبطل حنينه
يهيم بطيافك ليا يوم مرته=يرجف لها قلبه ويكثر ونينه
ما كنها الا فوق الأشواك جرته=مدري جروح(ن)في خفوقه دفينه
يسبح مع الأحلام لو كان غرته=تكفا دخيلك يا غلا لا تهينه
وأرجع علي وهات لي من مبرته=ما جاد به مضنون قلبي يا زينه
حتى ولو رسمة رسمها بحمرته=تعبير عن ود وغلا خابرينه
ما ودنا بشيء يسبب مضرته=والا يخالف للعوايد ودينه[/poem]