لاساقني هاجوس صدري وغنيت

[صنداح الزلامي]

[poem=font="Simplified Arabic,5,blue,normal,normal" bkcolor="white" bkimage="" border="none,4,gray" type=1 line=0 align=center use=ex num="0,black"]



لا ساقني هاجوس صدري وغنيـت=سقت المثايل مثل سـوق المطايـا
وسويت من عذبات الامثال سويـت=نـوادرٍ مثـل بعضـهـا حـلايـا
يجيلها في خافـق القلـب توقيـت=ولها وصوفٍ غيـر ولهـا مزايـا
واخذت من جزل البيـوت وتنقيـت=الهينـه ماهـي علـى مستـوايـا
وابدعت في مضمونها واستمريـت=بنظم الحروف الصامـلات الرهايـا
مابي بها من عند الاصحاب تصويت=ولأ لي بهـا مقصـود ولا نوايـا
لا والله الا فيض صدري الى أشيـت=اعنهـا واطلـع بـهـا للعـلايـا
ولا احكم على نفسي بحكم الطواغيت=الشعر لـه شعـار ولـه سجايـا
عمالقه في عرفهـم مـا تناسيـت=فحـول وزحـولٍ دهـاتٍ ودهايـا
واليوم شعـر مصمميـن الواليـت=عراض المتون مرافقيـن الصبايـا
لا يازمـن اللـي علينـا تولـيـت=و رحنا على درب المجنن ضحايـا
استغفر الله كان في قولـي اخطيـت=لكـن مـن كثـر البـلا والبلايـا
اغضيت عن بعض البشر لين مليت=وابديتهـا ماعـاد فيهـا خفـايـا[/poem]