رد على الشاعر الكبير/ غلاب بن ود الثبيتي العتيبي

[**التميمي**]

عتبان ساس الجود خطلان الأيمان

[poem=font="Simplified Arabic,4,darkblue,bold,italic" bkcolor="transparent" bkimage="" border="double,4,gray" type=2 line=0 align=center use=ex num="0,black"]
ياسيف يا عز الخوي يا كحيلان= مانقص الناقص منيع حماها
سقم العدى ومرجحت كل ميزان=عتبان تقصى بالقا من حداها
عتبان ساس الجود خطلان الأيمان= هم مبتدى الطيبه وهم منتهاها
نعم بهم برقا ونعم بثبتان= اهل الفعول اللي بعيد مداها
واللي جهل ينشد حروب وعجمان= وينشد تميم و ينشد اللي وراها
عن فعلهم ياخذ دلايل وبرهان= ويعرف مسالك هرجته لارماها
لهم تواريخ وفعايل و فرسان =قد رددت صم النوايف صداها
هرج وفعل لاصار لخيل ميدان =يوم الضعيف هرجته ماحماها
يوم نجد مالها سرج وعنان =فيها الضواري من ضواري عشاها
خذو سنام المجد بالسيف شامان =ماجت عطايا من ولاها عطاها
إنشد قبايل نجد والذيب سرحان= يخبرك كم ليل تعشا عداها
يخبرك عن شوخ طحاطيح شجعان= كم شيخ قوم بالحرايب خشاها
ابن حميد الليث وابن ربيعان =نعم الشيوخ اللي يذري حجاها
نعم الشيوخ وللوغا سيف وسنان= لعل شيخان القبايل فداها
لاثار بالميدان عج ودخان =وعجاجها روس الزوامي طماها
وامسى لميع سيوفها برق الامزان= يقود تايه فالبيادي سناها
كم من شجيع وكم صنديد شيخان =اركو ا على كبده ملايل لضاها
ومسوا طعام إسباع وطيورعقبان =في نقرة دم المعادي ملاها
وا سقم منهو ضدها سقم الأعيان =واسعد منهو بالحرايب ولاها
يالله عسى حيينها طول الأزمان =تكرم وتحشم بالكرامه لحاها
وعسى بكور المزن بالوبل هتان= علي قبور امواتها في ثراها
ينشي من المنشا حقوقه مسيان =أربع ليالي من صدوقه سقاها[/poem]



الشاعر/وليد بن محمد الفوزان