يااااارب أغثنـــا...؟؟؟

[جابر الثبيتي]

شحت الأمطار وجفت الأبار وماتت الأشجار
وما ذلك الا بذنوب العباد
ولكن رحمة الله وسعت كل شيء
[poem=font="Simplified Arabic,6,black,bold,italic" bkcolor="transparent" bkimage="backgrounds/18.gif" border="ridge,6,burlywood" type=2 line=0 align=center use=ex num="0,black"]
هذا السنة الصيف بلحيل ولع=حر السمايم جالنا داخل الفي
صار السراب من اللهيب يتوسع=اليا تبعته بالنظر كني عمي
الكل من شدة لظاه يتجزع=زاد العطش والناس ما تلتقي مي
ماتت شجارينا وصارت تقلع=ما عاد باقي بالشجر ظنتي حي
قل المطر وإن مر ما عاد ينفع=القحط باقي والرخا معطي قفي
أبارنا جفت وصارت تبلقع=ما عاد تروي طيرها ما بها ري
يا حالة اللي كان يوم يتزرع=الجم ما يلحقه دلو(ن)ولا لي
عم القحط في كل دار(ن)ومرتع=قمنا ندور شربة الماء ببمبي
القلب من شدة زمانه تقطع=لكن ما به حيلة(ن)تملك يدي
يا رب فينا عاجزينا ورضع=قام الدهر يطوي على أرزاقهم طي
يا رب منا ساجدينا وركع=يا رب لا تهلك بمن فعلهم سي
كفوفهم بدعاك يارب ترفع=وقلوبهم بسمك وذكرك تلبي
يا علها يا مالك الملك تشفع=يا من بيدك الرزق يا نور يا ضي
يا ربنا طالبك وأنته تسمع=وتشاهد اللي صار للخلق يا حي
أرحم عبيدك غيثنا غيث رتع=يا من بيدك الخير ما ينقصه شي
أرسل علينا الغيث والبرق يلمع=أنزله سقيا رحمه شويه شوي
لين المواشي من حيا الغيث تشبع=ويعم خيره من تهامة ليا طي[/poem]