تهيض ولد منجوم وارسل لبن مرزوق

[عبدالله المرشدي]

رد على قصيدة الاخ الغالي ابن منجوم التي بعنوان البارحه ارجو ان تنال رضاكم

[poem=font="Simplified Arabic,5,black,bold,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
هلا بالقصيد اللي نفخ بالحنايا بوق=على وزن قيفانه عوى سبعي الضاري
تهيض ولد منجوم وارسل لبن مرزوق=بيوتٍ حوى مضمونها موجز اخباري
هلا مرحبا بالشعر من شاعر مرموق=يجيب البيوت الشرد لامن طرى طاري
اذا السالفه ياصاحبي بس نظرة موق=ترى اللي حصل مايلحقه حكمٍ اجباري
تبعد عن المجمول لين المزاج يروق=واذا صادفك لاتنظره واطب الباري
واذا صار له عندك من اول قديم حقوق=تحمل على شانه ولاتستمع غاري
ترى الموت لا من صار بين القلوب فروق=وراع العيون السود عن حالتك داري
بسوق الهوى مافيه سارق ولا مسروق=ولاتفرق السومات مع بايع وشاري
ترفق يابن منجوم لامن بغيت تسوق=ترى سكة العشاق مابعدها خاري
ولا فيه داعي تاتي الواسطه من فوق=ليا منها كبرت تبي ضربة سواري
كذا او كذا بينك وبينه بادب وارفوق=تجي او تروح محمله كلها اوزاري
يقولون ضرب العشق للعاشقين يلوق=وانا اقول ضرب العشق فالقلب من ضاري
وصلك الجواب اللي على طرقك المطروق=ولك ماتبي مني على كل تياري






[/poem]