عديت في مرقباً والليـل ممسينـي
بديار غرب لعل السيـل مـا جاهـا
أضحك مع اللي ضحك والهم طاويني
طية شنون العرب ليا صربـوا ماهـا
وراك ما تزعجين الدمع يـا عينـي
على هنوفً جديـد اللبـس يزهاهـا
هبت هبوب الشمال وبردهـا شينـي
ما تدفي النـار لـو حنـا شعلناهـا
ما يدفي الا حشى مريوشـة العينـي
وإليا عطشنا شربنـا مـن ثناياهـا
أبـو عيـونً ليـا سلهـم تناجينـي
يا قرد عين المشقى كيـف يقواهـا
يا شبه وضحى فتـاةً دلهـا زينـي
داجت على عقلةً والورد مـا جاهـا
يا عل من شار بالفرقى عمى العيني
مخباط صمعا جليل الفخـذ يشظاهـا
جعله حسير كسيـر وراكبـه دينـي
وأتلى حلالـه ذلـولً راح يطلاهـا
للشاعر : عبدالهادي بن سعيد العتيبي
| 
|
06-26-2008, 12:07 AM
العرض الشجري