حصاة رزاح !!

[عادل العتيبي]

[poem=font="Simplified Arabic,5,darkblue,normal,normal" bkcolor="transparent" bkimage="" border="none,4,gray" type=2 line=0 align=center use=ex num="0,black"]
صدر سهران الليال يضيق ماجاه أنشراح=يوم صكات المواجع بينت له شوقها
وأستهاض الشعر فيني وأبتدى نور الصباح=وأنجلى ليل العنا والشمس وقت شروقها
وتجتول فيه القصايد وألبست نوط ووشاح=والله أني مقتفيها والهجوس تسوقها
كان ماجات القصايد مثل طلقات السلاح=والله اني لأعتزلها وأعتذر لطروقها
آرد العد المسمى وأشرب من الماء القراح=لين صافيت الهجوس تبل منه عروقها
والسفينه ماشيه حسبْ أتجاهات الرياح=والسماء فيها السحاب اللي تلوح بروقها
جيت ماشي بالدليل وعارض أصياحي صياح=والمثل قال الحيايا سمّها بشدوقها
والله اني ماحسبت لطير مكسور الجناح=كسر جنحان الحرار يلدّها ويعوقها
فيه شيٍ لو تزيحه صعب لايمكن يزاح=مابقى غير اليدين تصير دون حلوقها
لو بلشنا في حصاة رزاح ماشفنا رزاح=وكل لحية بالمواقف بيّنت منطوقها
ومن يحفظ حقوق غيري دام حقي مستباح=والتحيه للرجال اللي تحفظ حقوقها
النجاح أكبر غنيمة والفرح وقت النجاح=لاكن أصناف البشر منهو يراعي ذوقها
وكانها صارت مزارق بالسيوف وبالرماح=تحّتها من تحّتها من فوقها من فوقها
لين عبّاد القبور تقول حيّا عــ الفلاح =ولين سكات الزمان تشمّها وتذوقها
ولين أخطب الفاتنه وأكتبلها عقد النكاح=جيتها كلي بشوق وبينتلي شوقها [/poem]