القصيده التاليه هي قصيده للشاعر
بصري الوضيحي
.
.
التايه اللي جاب بصري يقنه
جدد جروح العود والعود قاضي
يامن يعاوني على وصفكنه
اشقح شقاح ولاهق اللون ياضي
نهدين للثوب الحمر شولعنه
حمر ثمرهن غطسن بالبياضي
والريح لازفره ولاهي مصنه
ريح النفل في معشبات الرياضي
ومشجرمنسوق هجرٍمغنه
على خياط له نابي الردف راضي
وان قربوا من زمل ابوها مغنه
اشقح يداني خطوته يوم تاضي
ليتي حضرته والخدم يركبنه
بنت الشيوخ ملطمين الحياضي
منيوم شفت الزين جريت ونه
ونة خفاء بين الضلوع العراضي
ياليت سني من مواقيم سنه
ايام مابيني وبينه بغاضي
ايام جلد الذيب عندي مضنه
نصبح وزرق الريش لهن انتفاضي
حجيت انا للفرض ماهيب سنه
ونكست في عمياي عقب افتراضي
هيدوك مايشفي على طرهنه
اناطويت رشاي واقفيت قاضي
احد بوسط النارواحدبجنه
ميرالبخت اللي له الرب راضي
.
.
.
وسلامتكم
| 
|
11-23-2005, 11:30 PM
المواضيع المتشابهه
العرض الشجري