في حبيب الله، صلى الله عليه وسلم

[راع المحاني]

سلام
هذي متواضعة جداً ، خاصة في حق من قيلت فيه صلى الله عليه و سلم ،،،،
لكن الجود من الموجود،،،أتمنى أن تحوز على بعض من رضاكم،،،،،
دمتم في محبة،،،

[poem=font="Simplified Arabic,4,darkblue,bold,normal" bkcolor="transparent" bkimage="backgrounds/16.gif" border="ridge,8,orangered" type=0 line=0 align=center use=ex num="0,black"]


*****=*****
عليْت و عن حديث الإفك، تكرم يا رسول الله= سوى جابوه عدوان الوطن و لا المواليني
.=.
عليت عن النبا اللي من بداه ابليس زين له= و دايم سكة الشيطان تستهوي الخبيثيني
.=.
نوى يوذيك، و انته في جنان الخلد لك طله= و هو في الموصدة.... مصفود... باصفاد الشياطيني
.=.
بعد ما افرح من الاقصين و من اهل الوطن شله=عساها شلةٍ تفداك ياراس الكريميني
.=.
نقي العرض، نور الارض، فخر الدين و المله= كريم أوصاف ، ريف اضعاف ، حامي هيبة الديني
.=.
شعاع النور، ضد الجور، و المظلوم نصرٍ له = مقر الجود، عـ ـرْب جـ ـدود، سـ ـترٍ للمساكيني
.=.
صدوق لسان، جزل ايمان، ما تِـ ـلقى بك الخـ ـله = صبرت سنين.. لين الدين.. فاق أسمى القوانيني
.=.
عسى يفداك.. من يشناك.. لو ان الفدا احسن له= وعسى من لا يشوف بك الهدى يعطى عمى العيني
.=.
فداك العمر، ياخير البشر، كل العمر كله = فداك الروح، يا خير الأواخر و القديميني
.=.
تمتع بالوسيله و الفضيله، و ادمح الزله= ترانا من عجزنا، ما نغير فالموازيني
.=.
و الا يا وجد حالي، و النهار الشمس اله حله= على يوم نبرد به اكبود و نقضي الديني
.=.
نقص لسان راع العنه الملعون و نغله = لو انه حال دونه من سلاطينه سلاطيني
.=.
نعيد الهيبة اللي نبْـ ـتها الهمال ماعله = و ألا يالله تغيث ارضٍ شوتها أوقات و سنيني
.=.
شكينا ضعفنا لك و انت تجلا الهم و تحله=تقـ ـوِيـ ـنا على نصرة كتابك و النبييني
.=.
لكن الجور ما خلا الشجر تِطلِـ ـع به الغله= و جار السوء يهدم كل حيطان البساتيني
.=.
ليا جا موسم الزرع ابتدى و اشرف على التله= و في وقت الحصاد يروح به فوق البعاريني
.=.
و حنا مالنا الا الصبر، لله ، و الامل بالله= عسى الله ينصر اللي شايفٍ في حاله البَـ ـيْـ ـني
.=.
و صلى الله و بارك... يا محمد يابن عبدالله = عليك ، و طبت في تال الزمان و فاول الحيني
.=.
أقوله من ضميرٍ مالكه حبك و محتله= عسى حب ٍ يقَصر عنك...مايلـ ـقى محبيني
******=******[/poem]

راع المحاني