إنهـزع خصـره وقلـت الله يستـر
خابـرٍ قلبـي ضعيـف ومايـدانـي
وإنتثـر ذاك الجديـل وقلـت مقـدر
وإلتفت يمـي وقلـت العلـم جانـي
إرتخى لثامه ودريـت بنِيَـةْ الشـر
وابتسم لي وقلت لاوالله نوانـي...!
قلت أبي لي منك...!! وماكملت وأشر
قال هذي بس لأُمـي مـع أخوانـي
بالسوالـف وش حلاته...مايقصـر
وإن طلبته موعـدٍ صد...وعصانـي
نصـف يومـه إيتكحل...وإيتمنظـر
ونصف يومه يقهر قلـوب الغوانـي
نار شوقه تاكل اليابـس والأخضـر
مادرى عني أعانـي...أو ماأعانـي
كل ماأنظم به مـن الأبيـات يسكـر
مثل كيسان الهوى...واحد...و ثاني
بس أنا لي بالهـوى دفتر...ودفتـر
وعارفٍ غبـات بحره...والموانـي
البلى كفه نفـل ... والخـد عنبـر
والنِفَس نعنـاع والضحكـة معانـي
وإن مشى ترف القدم...فاالله وأكبـر
ضعت جعلي فدوتك ... هـذا مكانـي
وإن حكى ... فاحت شفاته دمٍ أحمـر
من حرارة شوقـه الفايـح كوانـي
البلـي باللـي يشـور ولايفكـر...!
حـوف والله مادهـاه اللـي دهانـي
وين أباالقى الصبر وأعيونـي تعبـر
لاقنعت ... ولاقنع مني زمانـي...!!
خل عنك ... الحظ لدبـر والله أدبـر
من عرفته ملتـويٍ باسمـه لسانـي
إبتلشنـا بالهـوى وأثـره مـقـدر
طحت صدفه فيـه يـوم الله بلانـي
والهوى مافيه نشمـيءٍ ... وعنتـر
جندلـن قلبـي رهيفـات الثمـانـي
تاه دكتـور الهـوى فـيء إيتدكتـر
قال وصف دواك في ذيـك الثمانـي
وقمت أهز الراس...أبد كني مخـدر
فدوته طيـرٍ كفـخ بيـن المحانـي
| 
|
11-23-2005, 08:01 AM
المواضيع المتشابهه
العرض الشجري