عسى الله يحقق للرجاوي مطـــــــاليبه

[عصام بن عباس المرشدي]

اخواني واخواتي (الاعضاء)
اليكم هذه الابيات المتواضعه للتواصل معكم ..


[poem=font="Simplified Arabic,6,black,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
عليك السلام ومرحبا ياغناة الروح=هلا في هلا والفين مليون ترحيبه
يقوله محبٍ منك مابان له مصلوح=ياكود الهواجس لأقبل الليل تسريبه
هواجس غلاً عنها الكلام الردي مطروح=على حبنا الاول ووضعه وترتيبه
بداياته الاولى خواطر تجي وتروح=وأخذ له مكانه واكتسى القدر والهيبه
بنى له على ماقيل وسط الضمير صروح=بناية غلا ماهيب صبه وتخشيبه
سبايب عيونٍ ساهيه رمشها ذابوح=سهمهن على اقصى القلب يرسل مناديبه
وأنا والله اني منك ياصاحبي مجروح=وخطرٍ علي الموت لن طالت الغيبه
رجاوي وأشوف ان الأمل باديٍ له ضوح= عسى الله يحقق للرجاوي مطاليبه
أنا في رجاء الله ثم رجاء الشايب الممدوح=عريب الجدود اللي عقبني على جيبه[/poem]
ولكم خالص تحياااااااتي...