شمعتي لاصرت

[قوت القلوب]

[poem=font="Simplified Arabic,4,black,bold,normal" bkcolor="transparent" bkimage="backgrounds/27.gif" border="ridge,6,orange" type=2 line=0 align=center use=sp num="0,black"]
أستشيرك بس من باب الغرام=ماقصدت هموم وإفراق ونكد
لابغيت الصدق وش لي بالملام=وأنت مثل الروح عندي فالجسد
إطلق حجاجك ورحب بالغمام=جاك مع صوت المطر حتى البرد
لأجل يروى كل عرق ولايظام=قلبك اللي لو جرحته ماجحد
حزنك المرسوم في وجهك حرام=إنبسط مالك على البسمه عهد
الحزن يقتل مع البسمه كلام=والفرح يحيي طموحك والوعد
لايدورالشك عندك لك مقام=في خفوقي مايخاشرك أي احد
مالقيت من الفخر غيرك وسام=إلتزم قلبي إلحبك وإستعد
في شديد الوقت قربك لي حزام=ماعلى غيرك حسافه لإبتعد
شمعتي لاصرت في ليل وظلام=وسلوتي لاصرت في حزن وجهد
إنبسط يابدر أتم من التمام=كل نجمن في سماء ليلك قعد
يحرسك ربي وأنا ربي سلام=من عيون الحسد يكفاهم بدد
أعشقك لين أخر حدود الهيام=وإن وصلت الحد أشري لك بلد
لوعطيتك كل عمري عام عام=ماوفيتك يابعد عمري أبد
من فريد ومن قصيد ومن هيام=من سؤال ومن وصال ومن وعد
إطلب المقدور واللي مايرام=والله إنك ماطلبت إلاتجد [/poem]