ولعـت من نار القصايد زقارة

[نايف الدعجاني]

ولعت من نار القصايد زقارة
وقعدت اكن امن القهر والتفاكير
عليك ياللي ما حسبتك خسارة
مثلي ما يفرق بين ربج ومخاسير
مشرة على اللي رفقتة مستعارة
الحر... ما همة صفير العصافير
اْن رحت مني ما تطوف الاْشارة
بتروح وتردك على المقادير
واقول لك جملة بصيغة عبارة
صغير يكبر بس مايصغر كبير
واللي تعذر...ما قبلت اعتذارة
اْن كــان مخطــي لا يقدمك مـــعـاذيـر
داجت بك سـلوم الردي والحـضـارة
واتـــعبـت حـالـك في كـثير المـشـاويـر
صديت عني وتحسبها شـطـارة
مــن دون لاخذ منك علمن وتفسير
ماهمني... لاكـن براسـي نـعـارة
سـبة صدودك مـنك ولا من الغير
مـاكل اميرن يــسـتحق الامارة
وماكل طيرن يعتلي فوق ويطير
بعض البـشـر واجب عليك اعتبارة
والمدح في بعض الرياجيل تقصير
خوة نشاما لنشاما تجارة
وانا غنين بلرجال المناعير
يـاصـاحبي خوتـك مثل الزقارة
دايم بجنبي مير ما منها خــير