اعاااااااااااااهدك

[ذايع]

[poem=font="Simplified Arabic,5,blue,bold,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]

أعاهدك واعطيك عهدي بتثبيت=ما انساك كاتبها لكم في وصاتي

جاني خيالك في منامي وفزيت=وناديت باعلى الصوت وينك غناتي

من لهفتي من فرحتي يوم ناديت=كنت احسب انك سامعٍ في نداتي

اضحك على نفسي واقول اني اوحيت=صوته يجاوبني ويسمع حداتي

وآخذ واكررها واقول آه ياليت=ياليت اشوفك قبل وقت المماتي

يا خل ليه ابعدت عني وصديت=ما تدري ابعادك يعجّل وفاتي

ياما على شانك نصحت وترجيت=وياما من اسبابك سمعت الشماتي

وياما على شانك دعيت وتمنيت=اشغلتني حتى وانا في صلاتي

سيف الهجر يا صاحبي ليه سليت=واحرمتني بالهجر كل امنياتي

وقطعت حبل الوصل يا شوق وانهيت=كل العلاقه قبل تسمع شكاتي

جاوب وعلمني انا ويش سويت=ارجوك علمني انا وش خطاتي

هل في وفاي ولهفتي لك تماديت=والا خطاي اني وهبتك حياتي

الشاهد الله فارضٍ حجة البيت=ما انساك لو ولى شبابي وفاتي[/poem]