في مدح ابوثامر تزين التماثيل

[فهيد مقعد الرويس]

[align=center]اعضاء هذا المنتدى الشامخ
اليكم بعد السلام وعليكم[/align]

[poem=font="Simplified Arabic,5,white,normal,normal" bkcolor="coral" bkimage="" border="double,9,sienna" type=2 line=0 align=center use=ex num="0,black"]
اليازبنت ازبن على مثل ماقيل=روس الجبال النايفات الطوالا

واليا نخيت انخ الزحول الحلاحيل=الي لهم على الثقيل احتمالا

لاتنخدع في شوف بعض الازاويل=لوهو يحالي بأثياب الرجالا

لاصارفالشدات ماينطح الشيل=نقصٍ ولونه كبير الخيالا

فالمعضله لونه اكبرمن الفيل=خطو الرخم علاه كبره وبالا

كبه اليا كبرت علاك الاقاويل=وعقب الولي عنز على اهل الشكالا

اهل الوفا شرابت البن والهيل=الي يشيلون الحمول الثقالا

رجالهم ماقدم العذر تعجيل=يرفى الخمال ولايجيب الخمالا

شرواعبيد من الرجال المشاكيل=جزلٍ ويطرب للعلوم الجزالا

جار ورفيق ويبهج الصدر بلحيل=شوفه الياعدو اكرام السبالا

رجلٍ على الشطات يجهش كما النيل=وللضيف والناصي بشوش القبالا

في مدح ابوثامرتزين التماثيل= من غير ذمٍ في قروم العيالا

ماقلتها كذبٍ ولاهيب تدجيل=تصريف هجسن مايجيب الهزالا

يتعب على الجزلات من طيب القيل=حسب المعرفه مادعي بالكمالا

الناس مافيهم سويٍ بلا ميل =والكامل المولا عزيز الجلالا[/poem]

[align=center]وسلامة الجميع[/align]