مسجون صبره ***

[رجا الروقي]

[align=center]السلام عليكم ورحمة الله


يسرني ان اقدم بين ايديكم هذه القصيده
واتمنى ان تنال استحسان الجميع


[poem=font="Simplified Arabic,5,black,normal,normal" bkcolor="white" bkimage="" border="outset,5,gray" type=0 line=0 align=center use=ex num="0,black"]
ياصبرفك قياد مسجـون صبـره=صابر وصبره مثل صبر المهادي
يصبر على جوره وضيمه ومـره=والعين ماتهنـا بحلـو الرقـادي
ياكيف أبسلى وهـم قلبـي يكـره=وشكواي للخـلاق رب العبـادي
أصبح ضحية هم والصدر قبـره=ولاعنه صده في صباح وهجادي
وش عاد يبرّد خافقي ذاق حـره=ويامن يطفي نار قـدح الزنـادي
كني كسير ٍ قام يشضـاه كسـره=يجر صوته ماسمـع لـه منـادي
الكسر ماله طب لاعـاب جبـره=ولا له دواء ينفع ولاله ضمـادي
ومن باح سده للمـلا بـان سـره=ولاعاد يفرق فالبياض السـوادي
خيره لغيـري وأبتلانـي بشـره=وأقفى بمحصولي وباق الحصادي
ماذقت من طعمه ياكود المضـره=مشروب كاسه سم للموت حـادي
أحد جنـى لولـه ومسكـه ودره=وأنا على الصكات والوضع عادي
ماعشت به يـوم ٍ ولابـه مسـره=وفي جهد نفسي ضاع كل أجتهادي
واللي لبس له ثوب والحلـق زره=مايعتلي في وسق عالي الشـدادي
والرجل نجمـه لأعتلابـه مقـره=يعيش عـز ولاحيـاة الزهـادي
كم واحد ٍ حظه مع النـاس بـره=ماعد ليل ٍ فات والصبـح بـادي
وختامها الفرصه تجي العمر مره=فرصة ثمينـة والعمـر للنفـادي
تم الكلام وشطر بيتـه علـى أره=ونهايته فالشطر الأخر علـى آدي [/poem]

رجا العازمي[/align][/QUOTE]