ياكبـــــرهـــــا

[عبدالرحمن الحمد]

[align=center]بسم الله الرحمن الرحيم
إليكم هذه القصيده اتمنى ان ترتقي إلى ذائقتكم


//


[poem=font="Traditional Arabic,6,black,bold,italic" bkcolor="transparent" bkimage="" border="none,4,gray" type=2 line=0 align=center use=ex num="0,black"]
البارحه قلبـي تقـل يشعـل اشعـال = من سبة اللـي قـام يشكـي ظروفـه
اللي على المرقاب فـي كـل الأحـوال = شاعـر يهـز الراسيّـه فـي كتوفـه
شاعـر ستـاذ وللمناظيـم فـتّـال = اللـي علـى المعنـى يرتـب حروفـه
يالقرم أنا شاعـر واذا قلـت الأمثـال = صف الشعر والقاف قامـت صفوفـه
قافي بحر يلطـم مـن الجـال للجـال = وليـا تعـدى الخصـم ذاق الحسوفـه
وحتيش لو كان الخصـم رمـح قتّـال = فـي ذمتـي يالقـرم يصفـق كفوفـه
اعف نفسـي عـن محاكـاة الأنـذال = نفسي عن الأشكـال هـذي عيوفـه
وان صابني من بعض الأصحاب غربـال = ادمح ولو كـان الخطـأ بـه جنوفـه
هذا . فقير . وذاك . يلعـب بالأمـوال = وهذا . كريم . وذاك . يطـرد ضيوفـه
وهذا . كفيف . وذاك . مبصر ومازال= وهذا . يشاف . وذاك . محـدٍ يشوفـه
وهذا . صغير . وذاك . في روس الأقذال = وهذا . شجيع . وذاك . يرخي سيوفـه
ياكبرها لا جات مـن طيّـب الفـال = اللـي علـى الزلـة تحـده ظـروفـه
وياكبرها لا جات مـن خالـي البـال = اللـي يبـي نـار الصداقـه تحـوفـه [/poem]


//


عبدالرحمن الحمد [/align]