اشوف شي يحد النفس للضيـــيق

[عصام بن عباس المرشدي]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
مساء الخير هذه من جدائد هذا الاسبوع عسى ان تنال رضاكــــــم..

البارحه يوم هجعات المخاليق=النوم حارب عيوني ماكحلها
قربت من واردالرسلان وابريق= ثلاث قام السنافي يشتغلها
قلت اظبط الكيف ياريف المطاليق=قال ازهله وانت زينها وقلها
قلت الخواطر من البارح مغاليق =ياكثر شرهاتها مااكثرزعلها
اشوف شي يحد النفس للضيق=وهموم مايحتملها الا جملها
دام الدعاوي تولوها المطافيق=احد يربع بها واحد دبلها
والجمع اشوفه حصل به نوع تفريق=ومعزب القوم كفينه غسلها
ماني مصدق واغيب احيان وافيق=يارب رد العقول لروس اهلها
دام المعزه لرديان التوافيق=واهل المكارم مااحد يشكر عملها
والحصن بأقيامها شكه وتبريق=واكديشها قام سوقه مع بغلها
يالله عليك العوض يا فارج الضيق=ماتنعدل كان ربي ماعدلها

وسلامتكــم.
[/poem]