يطربني المسياربالرض خليه

[فهيد مقعد الرويس]

اليكم بعد السلام عليكم هذه المتواضعه لتواصل عسى ان تنال شي من الاستحسان
البيتين الاولى كانت موضوعه ضمن مسابقه اشتركت فيها وهي عن البر

[poem=font="Simplified Arabic,5,limegreen,bold,normal" bkcolor="white" bkimage="" border="outset,4,gray" type=1 line=0 align=center use=ex num="0,black"]
يطربني المسيـار بـارض خليـه=دار الحيا شوق الرجال الطحاطيـح

ياجعلهـا لسيـل صبـح وعشيـه=من وبل همال المـزون المروايـح

لينٍ كـل شعيـب ركـب إردّعيـه=ولاغاض ماه انهل فوقـه كواثيـح

حقوق وسم(ن)من جزيـل العطيـه=من وقع سيله جرح الارض تجريح

نهـار رابـع بـذرة الخـد حيـه=ومداد وليه بالعشـي والمصابيـح

عشريـن لليلـه ماتخالـف نويـه=وعقبه يزين البـر للهل المراويـح

خطوا الرجال اهل الظفـر والحميـه=نزهين جمّعاهم على هبـت الريـح

ومن الحزابـه ولمـو كـل شيـه=تواعـدو مـرواح ولا مسـاريـح

وطبولهـم قفـراً عشوبـه نديـه=متخالطٍ نوار نبـت الصحاصيـح

تضحك زهوره فالفيـاض العذيـه=وفيه ام سالم تزعج الصوت وتصيح

ولاهب ذعـذاع النسيـم ضحويـه=جا للخزاما والشمطري معه ريـح

ثم شـب نـاره راعـي الشاذليـه=وصكو عليه اهل الوجيه المفاليـح

وجا للسوالـف والشعـر قابليـه=وفنجال كيف يّنـزّح الهـم تنزيـح

انشهـد انهـا سجتـةٍ عالمـيـه=مامثلها عنـد الرجـال الزحازيـح

تسوى القصورالـي قببهـا علّيّـه=لوذهبـت بيبانـهـا والمفاتـيـح[/poem]

وسلاااااااااااااااااااااامتكم