((ســـــــــرى الليـــــــــــــل))

[عصام بن عباس المرشدي]

[poem=font="Simplified Arabic,5,black,normal,normal" bkcolor="transparent" bkimage="" border="none,4,gray" type=1 line=0 align=center use=ex num="0,black"]
سرى الليل كله وانتحى ماش رد علوم=من الجادل اللي بأيمن الخط سكانه
تتل الضماير تل راجح عزيز القوم= لركبٍ عطابه خشم رايان وصفانه
من أول نهاره والنظا خلفه الزيزوم= وليله سراه وصًبح الصبح عدوانه
معه لابته مرشد هل الماقف المعلوم= كعام الحريب ان ولع الحرب دخانه
هذا في زمانٍ فات ماهوب مثل اليوم=يقر القرير وكل شيٍ بميزانه
وانا في ضميري جرح والقلب فيه هموم=متى يهتني المشتاق في شوف خلانه
لعل العيون اللي تجافي لذيذ النوم=سبب صاحب قفت لياليه وازمانه
تريًح بشوفه بعد طول الجفا وتنوم=وتنسى عذابٍ طاول العمر حرمانه
حبيبٍ غدى حبه سواة القدر محتوم=احبه واحب الحي كله على شانه[/poem]