لو الغلا نلقاه بالقرض والدين ..,,..قد له ركبني دين ماهو شويّه

[القـاسميّه]

للتوااصل مع قلووبكم ..,,

.
.


[poem=font="Simplified Arabic,5,black,bold,italic" bkcolor="transparent" bkimage="" border="outset,4,darkred" type=1 line=0 align=center use=ex num="0,black"]
يا دورة الايام وش فيك تخطين =سقتي لياليك الرديه عليّه
واقفت علي ابحوبتي فيه تبطين =انتي وحظّي ماسكين الوصيّه
مرّه يجيب الهم وانتي تلبّين =ولا تجيبون المصايب سويّه
واللي بلاني يوم حط الثعابين =قدام ماطى خطوتي بالحويّه
قام وزهمني بين جمع الملايين =ناوي يوضّح خافيات القضيّه
شبّ الفتيل وقال يابنت ذالحين =هزّي متون القاف والنار حيّه
يومك على نظم القصايد تجودين =وامداحم الشّعار صبح وعشيّه
وش بك علي يا بنت الاجواد تقسين =شوفي عشان ارضاك شفت المنيّه
قام وعطاني للمحبّه براهين =وازريت لا قدّر نداه ومجيّه
لو الغلا نلقاه بالقرض والدين =قد له ركبني دين ماهو شويّه
بس الغلا بالقلب ماله دكاكين =عزّي لقلبٍ ما يرد العطيّه
شيٍ غصبني دون ماحنّ وا لين =صوتٍ ينادي هالنوايا مطيّه
لاني انا بنت الرجال العزيزين =قومٍ على فعل المكارم سخيّه
والشايب اللي حطّني بالميادين =من غير باروده ولا بندقيّه
خلا سلاحي زين الاخلاق والدين =واسمٍ اشيله منه دون البقيّه
ان ما كتبت اسمه على اغلى العناوين =واسرجت له خيل القوافي بديّه
واتفجّرت لعيون عزّه براكين=واسقيت ولد اللاش مرّ الخطيّه
واشقيت حال اقلوب كلّ الرديّين =ماكون بنتٍ للشعر قاسميّه
يادورة الايام ياحظّي الشين =ياوقت عيّا لا يمد الهديّه
ناديت لك ياسنين ياسنين ياسنين =واسمع صدى صوتي يلبّي دويّه
شمس الثواني شفتها شوفة العين =وازريت للقى بارض الايام فيّه
واشيب عيني كل ما قلت بعدين =اتزين لي ليّام فالمقبليّه
ويصير همّي ينقرا بالدواوين=همٍ مضى بايّامي الاوّليّه
واصحى على نفسي ونا بين نارين =لين انكويت ابنار الايام كيّه [/poem]